Симеоне: “Реал”нинг ўйини менга ёқмоқда”
13 дек 2021 07:50
Янгиликлар

Симеоне: “Реал”нинг ўйини менга ёқмоқда”

Ла Лига 17-тури доирасида ўтган “Реал” – “Атлетико” баҳсидан (2:0) кейин меҳмонлар устози Диего Симеоне ўз фикрлари билан бўлишди.

“Футболдаги қатъиятлик – энг муҳим жиҳатлардан бири ва “Реал” ҳозир бу борада бенуқсон. Улар гол урган вақтда, ўйин ўзгармоқда. 2-тайм бошида бизда имкониятлар бўлди, аммо кейин улар ажойиб тарзда иккинчи голни уришди.
Ўйинга Португалиядаги психологик кучли стрессдан кейин етиб келдик. “Реал” тўпни назорат қилди, аммо кўп вазиятлар яратмади, голдан кейин эса учрашув ўзгарди.
Чемпионат узоқ давом этади, бугун пешқадам билан орамизда жиддий фарқ бор эди ва ҳозир жадвалда ёнимизда турган жамоаларга қараб, ўйиндан ўйинга боришимиз лозим.
Айни пайт “Реал” жуда мукаммал кўринишда, менга бундай футбол ёқади. Ҳозирча улар чемпионатда жуда зўр ўйнашмоқда”, дейди аргентиналик.

Ҳавола :

Манба : Marca

Янгиликларни Телеграмда ўқинг!

Рейтинг: +26