Шуҳрат Раҳмонқулов: “Гуруҳда биринчи ўринни эгаллашимизга ишонаман”

Бўлажак учрашув олдидан терма жамоамизнинг собиқ футболчиси Шуҳрат Раҳмонқуловнинг фикрларини сўрадик. 

- Биласизми, ҳар қандай мусобақанинг биринчи ўйини ўзига яраша ҳис-хаяжонга бой тарзда бўлади. КХДР билан ўтган учрашувда ҳам йигитларимизда бу холат кузатилди дейиш мумкин. Умуман олганда баҳс ёмон кечмади. Деярли 80 дақиқа ҳужумни вакилларимиз уюштирди. Рақиб жамоа эса учрашув сўнггидаги зарбадан ташқари бошқа айтарли хавф туғдира олмади. Нестеров ўзини кўрсатиб, муқаррар голдан сақлаб қолгани эса таҳсинга лойиқдир. Унинг тажрибаси қўл келди. 

- Бугун Хитойга қарши кечадиган ўйиндан ҳам йигитларимиздан фақат ғалаба кутяпмиз. Дастлабки учрашувдаги ҳаяжонланишлар ортда қолган бўлса ажаб эмас. Қолаверса рақиб жамоани биздан устун жиҳатларини кўрмаяпман. Умид қиламизки, бугун футболчиларимиз ҳужумкор ўйин намойиш этиб, халқимизни хурсанд қилади. 

- Шахсан мен гуруҳдаги 1-ўринни эгаллашимизга ишоняпман. Бунга умид қиляпман. Олдин кейинги босқич масаласини хал қилиб олайлик, кейин Австралия ёки Жанубий Корея ҳақида бош қотирамиз – дейди Шуҳрат Раҳмонқулов. 

Исломбек Рустамбеков.