UZ

Сўнгги янгиликлар

23:44"Тоттенхэм" янги уй либосини тақдим этди  0 22:42Инзаги "Ал Ҳилол"да қанча маош олади?  2 22:07ПСЖ украиналик футболчини ўз сафига қўшиб олмоқчи, аммо...  0 21:32"Ал Ҳилол"га ўтишга рози бўлмаган Тео Эрнандес испан гранди сафига ўтиши мумкин  2 21:05Инзагининг ўрнига "Интер"га ким бош мураббий бўлади?  3 20:41Инзаги "Интер"ни тарк этди, унинг янги клуби ҳам маълум  7 20:15"Челси" А Сериядаги дарвозабон бўйича ишни бошлади  2 19:39Пенальтидаги “иккинчи тегиниш” қоидасига ўзгартиш киритилди   15 19:10Ўзбекистон U-23 терма жамоаси Францияда машғулотларни давом эттирмоқда  2 18:40Ўртоқлик учрашуви. Ўзбекистон аёллар терма жамоаси Ҳиндистонни мағлуб этди  0 18:20Хвича Кварацхелия орден олади  2 18:00БАА таркибида Франция, Сербия ва тунислик футболчилар Ўзбекистонга қарши дебют қилиши мумкин  46 17:35МЮ тез орада Мбемо трансфери бўйича музокараларни бошлайди  2 17:32Эшитдик-да! ОФК Ўзбекистон терма жамоаси меҳмонхонасига офицер юборди  55 17:04Аббос Файзуллаев: "БАА аэропортларида мухлислар ва журналистлар ушлаб қолинаётгани — ёқимсиз ҳолат"  23

Шоҳид Тиллабоев: “Истиқлол”нинг юридик манзили Пскентга кўчирилди” Янгиликлар

Шоҳид Тиллабоев: “Истиқлол”нинг юридик манзили Пскентга кўчирилди”

Ўзбекистон биринчилиги аъзоси ҳисобланган "Истиқлол" жамоасининг расмий сайти клубнинг бундан буён Тошкент вилояти Пскент тумани номидан иштирок этиши ҳақида хабар берган эди.
Жамоадаги бундай ўзгаришга ойдинлик киритиш мақсадида "Истиқлол" вице-президенти Шоҳид Тиллабоевни офисимизга таклиф қилдик.

- Нима учун "Истиқлол" Пскент тумани номидан мусобақаларда иштирок этади? Ваҳоланки, жамоа шу кунга қадар Тошкент шаҳри номидан қатнашар эди.
- "Истиқлол" жамоасининг режалари катта, лекин бунга шунчаки эришиб бўлмайди. Ҳозирги футболда молиявий жиҳат биринчи ўринда туради. Айнан моддий аҳволга қараб жамоа ва режаларни тузасиз.Ўтган мавсумни маҳаллий кичик ҳомийлар билан тугатишга муваффақ бўлдик. Жамоамиз тузилгандаёқ давлат ташкилотларидан бирини клубга бириктириб қўйиш ҳаракатида эдик. Аммо, бу жараён секин ривожланди.



Йил охирига келиб эса Вазирлар Маҳкамаси бу ҳолатни амалга татбиқ этди. Биринчи лигада Тошкент вилоятидан жамоа йўқлигини инобатга олиб, у ердаги мухлисларни ҳам ҳурсанд қилиш мақсадида пойтахтдан 30 километр узоқликда жойлашган Тошкент вилояти Пскент туманидаги стадионда уй учрашувларимизни ўтказишимизни сўрашди. Шу тариқа, жамоа энди барча мусобақаларда Пскент тумани номидан иштирок этади.

- Демак, клуб мавсумни Пскентда бошлайди?
- Аслида мавсумни Пскентда бошламоқчи эдик. Аммо, у ерда ҳозир майдон чими талабга жавоб бермайди. Шунинг учун биринчи даврани "Тўқимачи" стадионида ўтказишимиз мумкин. Агар жамоа биринчи даврани "Тўқимачи"да ўтказадиган бўлса, ҳар бир уй учрашувига Пскентдан келадиган мухлислар учун алоҳида автобус ташкил этиш режамизда бор.



Яна бир жиҳат, Вазирлар Маҳкамаси Тошкент вилоятида ҳам футболни ривожлантириш, у ерга ҳам катта футбол ҳавосини олиб кириш мақсадида жамоага хомийлик қилишни ма'қул кўрди ва клуб олдига олий лигага чиқишни вазифа қилиб қўйишларини таъкидлашди. Шунга яраша, олий лигага чиқиш учун моддий жиҳатдан ёрдам беришни ваъда қилишди.

- Жамоанинг юридик манзили Пскентга кўчгандан сўнг, клубда шунга қараб ҳаракатлар олиб борилмоқдами?
- Дарҳақиқат, "Истиқлол" жамоасининг юридик манзили Пскент туманига кўчирилган ва бу ҳақидаги керакли ҳужжатлар Ўзбекистон футбол федерациясига топширилган.



- Ундай бўлса, нима учун ҳозир ҳам жамоа Тошкент шаҳри номидан юритилмоқда?
- Яқин кунлар ичида клуб логотипи ўзгартирилиши лозим, янги логотип ишлаб чиқилгач жамоа тўлиқ Пскентнинг "Истиқлол" клуби деб эътироф этилади.

- Биринчи лигадаги ўртамиёна жамоанинг бир йиллик бюджети қанча?
- Футболчиларнинг маоши, мукофот пуллари, сафар ҳаражатлари, машғулотлар жараёни, ўйинчиларнинг тўлиқ ва тўғри озиқланиши, хуллас, барча ҳаражатларни қўшганда тахминан 700 миллион сўм маблағ эвазига биринчи лигадаги ўртамиёна жамоани молиялаштириш мумкин.

Толибжон Қосимов суҳбатлашди
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика