Шевченко: “Олтин тўп” учун жамоадошларим ва мухлислардан доим миннатдорман”
14 дек 2019 01:40
Янгиликлар

Шевченко: “Олтин тўп” учун жамоадошларим ва мухлислардан доим миннатдорман”

“Милан” жамоасининг собиқ ҳужумчиси, айни пайтда Украина терма жамоасини бошқараётган Андрей Шевченко “Олтин тўп”ни (2004 йил) қўлга киритган вақтидаги ҳолатини ёдга олди.

“Олтин тўп”ни қўлга киритиш бахтига сазовор бўлганимга 15 йил бўлибди. Яна бир бор ушбу совринни қўлга киритишда ёрдам берган жамоадошларим, мухлислар ва ҳаётимдаги ушбу совринни қўлга киритишимда мени қўллаб қувватлаган барча-барчага ўз миннатдорчилигимни билдираман”, дея ўзининг Твиттердаги саҳифасига пост қолдирди Шевченко.

Андрей 1999-2006 йилларда, шунингдек, 2008/2009 йилги мавсумда “Милан” шарафини ҳимоя қилган. Шунингдек, футболчи фаолияти давомида “Динамо” (К) ва “Челси” таркибида майдонга тушган.

Шевченко 2016 йилдан бошлаб Украина миллий терма жамоасини бошқариб келмоқла. Унинг қўли остида жамоа 2020 йилги Европа чемпионатининг финал босқичига йўлланма олди.

Ҳавола :

Манба : Андрей Шевченконинг Твиттердаги саҳифаси

Янгиликларни Телеграмда ўқинг!

Рейтинг: +9