Шевченко: "А Серияда қолиш биз учун ЕЧЛни ютиш билан тенг"
12 дек 2021 17:50
Янгиликлар

Шевченко: "А Серияда қолиш биз учун ЕЧЛни ютиш билан тенг"

"Женоа" бош мураббийи Андрей Шевченко А Серия доирасида "Сампдория"дан учралган мағлубият ҳақида гапирди.

Генуя клуби Шевченко қўл остида 4 мағлубият ҳамда бир дуранг қайд этди.

"Албатта, барчамиз хафамиз. Дербини ютқазишни барча ёмон кўради. Яхши ўйиндан умид қилгандик, аммо тезда гол ўтказиб юбордик.
Биринчи бўлимда ўйинимиз чиқмади. Иккинчи бўлимда эса бироз жонландик. Аммо буни ўйин бошидан кўрсатишимиз керак эди, кўз очилганда кеч бўлганди.
Бу ерга келганимда қийин тақвимга эътибор қаратгандим. Шунингдек, кўплаб жароҳатларни ёддан чиқармаслик керак. Бугунги ўйинга Кришито ва Дестро қайтди, даражамиз бироз бўлса-да, кўтарилди.
Биз учун А Серияда қолиш ЕЧЛни ютиш билан тенг. Бизда имкониятлар бошқача. Энди бошни кўтариб, ишлаш керак.
Клубдагилар январда трансфер қилиш имкониятини берди. Бу яхши ҳолат. Бу футболчилар ва мухлисларга ишонч тақдим қилади. Бу биз учун муҳим хабар", - деди Шевченко.

Ҳавола :

Манба : Calciomercato

Янгиликларни Телеграмда ўқинг!

Рейтинг: +3