Шаҳзод Бешимов: “Хоразм” Суперлигага йўлланма олиши ҳам мумкин”

Маълумот учун, муборакдаги баҳсда Бешимов бир маротаба рақиб дарвозасини ишғол қилди.

“Машъал” билан жуда яхши ўйин бўлди. Биз машғулотларда рақиб жамоага қарши ўйинга астойдил тайёргарлик кўргандик. Бош мураббийнинг берган кўрсатмаларига амал қилган ҳолда ҳаракат қилдик. Бу эса натижамиз яхши бўлишига олиб келди. 

Аслида жамоамиз йил бошида ўз олдига юқори мақсадларни қўймаганди. Аниқроғи, таркибни ёшартириб, кейинги йилларда яхши жамоани шакллантириш эди. Ҳозирда ҳаммаси яхши бўлмоқда. Натижаларимиз ўзгарди. ПФЛ директори Диёр Имомхўжаев таъкидлаганидек, минимум имконият билан максимум ҳаракат қилаётган жамоамиз. Насиб қилса, Суперлига учун плей-офф баҳсида иштирок этмоқчимиз. Балки, натижаларимиз яхши бўлса, шу йилнинг ўзидаёқ Суперлигага йўлланма олишимиз мумкин. Барчасини вақт кўрсатади. 

Худо хоҳласа, бу йилги мавсумда Про лига тўпурарлари рўйхатида бўлишни мақсад қилганман”, - дея сўзини якунлади Бешимов.