Сергей Лушан: Бизга зич ҳимояни ёриб ўтадиган робот етишмаяпти

- Жуда-жуда аламли мағлубиятни қабул қилиб олдик. Ўйин ҳақида кўп гапирмоқчи ҳам эмасман. Оғир ўйин. Зич ҳимояни ёриб ўтадиган робот етишмаяпти. Майдондаги футболчилар буни уддалай олишмаяпти. Тўпни кўп назорат қилишимиз эса натижа бермади. Ишлаймиз, камчиликларни тўлдирамиз. Рақибни ғалаба билан табриклайман. Бундай аламли мағлубиятни қабул қилиб олган биринчи жамоа эмасмиз. Шундай экан, уни унутамиз ва кейинги ўйинга тайёргарлик кўрамиз. Сардор Рашидовни умуман олганда бугун майдонга туширмоқчи ҳам эмасдим. Чунки у Бокуда қийин ўйин ўтказганди. Уни функционал ҳолати тайёр эмасди. У майдонга чиқиб, кутилган ўйинни кўрсатиб беролмади. Сардор жамоа етакчиларидан бири бўлганлиги учунгина ўйин ўзгаришига умид қилиб туширгандим. Акрамжон Комилов ёмон ўйин кўрсатмади. Бироқ натижа ёмон бўлган ўйинларда чиройли ўйнаган ўйинчи ҳам кўзга ташланмайди, - дейди Сергей Иванович.