Саудия Арабистони бош мураббийи: "Мени янги саргузашт кутяпти"
30 июл 2019 15:00
Янгиликлар

Саудия Арабистони бош мураббийи: "Мени янги саргузашт кутяпти"

ЖЧ саралаш баҳсларида терма жамоамизга рақиблик қиладиган Саудия Арабистони янги мураббийга эга бўлди.

Бундан буён ушбу жамоани франциялик мураббий Эрве Ренар бошқариши ҳақида сайтимиз орқали хабар бердик. 50 ёшли мураббий шартнома имзолаганидан сўнг шундай деди: "Мени Саудия Арабистонида янги саргузашт кутяпти. Янги қитъада иш бошлаганимдан хурсандман".

Маълумки, ушбу мураббийнинг охирги иш жойи Марокаш терма жамоаси бўлди. У шунингдек 2012 йил Африка Миллатлар Кубогида ўртамиёна Замбия терма жамоасини чемпион қилиш билан ном қозонган.

Саудия Арабистони ЖЧ-2022 саралаш босқичининг иккинчи раундида Ўзбекистон терма жамоаси билан битта гуруҳда баҳс олиб боради. Ҳар икки жамоа ўртасидаги илк учрашув 14 ноябрь куни Тошкентда бўлиб ўтади. Биз жой олган гуруҳда Сингапур, Яман ва Фаластин ҳам бор.

Ҳавола :

Манба : the-afc.com

Янгиликларни Телеграмда ўқинг!

Рейтинг: +5