Сардор Рашидов: "Ўйинга киришиб кетганим яхши бўлди"

"Осиё Кубогида дебют ўйинимни ўтказганимдан хурсанд бўлдим. Агар ўйинимиз мухлисларга ёққан бўлса бундан мамнун бўлишимиз керак. Бироз ҳаяжон бор эди. Бундай турнирларда илк маротаба майдонга тушишим эди", - дея гап бошлади "Бунёдкор" ярим ҳимоячиси.

- Тезда ўйинга киришиб кета олдингиз...

- Тўғри айтасиз, машғулотларда ўйин давомидаги ҳар қандай ҳолатларга тайёрланамиз. Бугун жамоани хис қила олганим учун ҳам киришиб кетишим осон кечди деб ўйлайман. Иштиёқ ҳам катта роль ўйнади деб ўйлайман.

- Икки маротаба яхши зарба бердингиз, бундай қарорга келишингизга сабаб рақиб ҳимояси чарчаганими ёки дарвозабонни ожиз нуқтасини топа олганиз?

- У ҳам, бу ҳам деса бўлаверади. Тўп нам пайтида уни ҳаракатланиши дарвозабон учун қийинчилик туғдиради. Умуман олганда ёққан ёмғир бизни фойдамизга хизмат қилди деб ўйлайман. Чунки пас ўйнар эканмиз, тўпни сирпаниши ошди. 

Нодирхўжа Юлдашев