Самандар Шукруллаев: "Таклиф бўлса кимга таянаман? Агентим йўқ, мураббийларим билан маслаҳатлашаман"

Машғулотлардан сўнг жамоанинг маҳоратли футболчиси Самандар Шукруллаевнинг унга бўлаётган таклифлар ва бошқа мавзуларда фикрлари билан қизиқдик.

Тошкентдаги йиғин ҳақида

"Пойтахтдаги йиғинимиз жуда яхши ўтмоқда. Машғулотларда жисмоний ва тактик томондан ишлаяпмиз. Олдинги учрашувларимиз иссиқ ва ноқулай вақтда ўтганлиги учун кўп куч сарфлашимизга тўғри келди. Ваҳимали жойи йўқ. Танаффус тикланиб олишимиз учун айни вақти ҳисобланади",- дейди Самандар Шукруллаев.

Қийинчиликлар ортда қолди

"Ҳа, мавсумга испаниялик мураббий бошчилигида тайёргарлик кўрдик. Икки мураббийнинг фалсафаси ва услуби бошқа-бошқа. Александр Хомяков "Машъал" учун бегона эмас. Қийинчиликлар ортда қолди. Бундан буён ўйинимизни мукаммал ҳолатга келтиришга ҳаракат қиламиз. Ҳаммаси олдинда",- дейди футболчи.

 
Янги чорловларга тайёрми?

"Ўтган мавсум тажриба орттириб олишим учун жуда қулай имконият бўлди. Мураббийларимга ишонч билдиришаётгани учун раҳмат айтаман. Ўйинимдаги хато ва камчиликларни бартараф этишга ҳаракат қиламан. Қизиқиш ва таклифларга келсак, ҳозирда "Машъал" билан шартномам бор. Барчасини клуб ҳал қилади",- дейди Самандар Шукруллаев. 

Кимга таянади? Агентларгами ёки ўзи мустақил қарор чиқарадими?

"Ҳозирча агентим йўқ. Агарда таклифлар бўлса, мураббийларим билан маслаҳатлашиб якуний қарорни чиқараман",- дейди Самандар Шукруллаев.