Салоҳнинг "Ливерпуль" билан янги шартномасининг молиявий шартлари маълум

11 апрель, жума куни мисрлик ҳужумчи Муҳаммад Салоҳ "Ливерпуль" билан янги шартнома имзолади.

Клуб футболчи билан янги битим шартларини ошкор қилмади. Инсайдернинг хабар беришича, шартнома 2 йилга тузилган.

"The Telegraph" хабарига кўра, Салоҳ "Ливерпул"дан аввалгидек пул олади – йилига 20 млн фунт ёки ҳафтасига тахминан 400 минг фунт. Шунингдек, келишув бонуслар ва иш натижаларига асосланган мукофотларни ичига олади. Агар Муҳаммад мавсум давомида камида 20 та гол урса, қўшимча рағбатлантириш бор.

Муҳаммад Салоҳ 2017 йилдан буён ўйнаб келаётган "Ливерпуль” учун барча мусобақаларда 394 ўйин ўтказиб, 243 та гол урди ва 111 та голли узатмани амалга оширди.