Рустам Ашурматов: "Марокаш тез ва кучли жамоа"

Катта Ашурматовга ҳавас бўлса керак, бу ҳимоячимиз ҳам иккинчи рақамда майдонга тушаяпти.

"Марокаш ўйинини ўрганганимиз бизга фойда берди. 7-рақамда тўп тепган футболчини кучини яхши билар эдим. Бу борада уни бир нечта ўйинларини кўриб ўргандик. Лекин шундай бўлсада 1-2та вазиятда ўтиб кетди ва бу анча ҳавфли кўриниш олди", - дейди Рустам Ашурматов.

- Иккинчи бўлимда ўйинимиз очилиб кетганидан кейин улар ҳам ҳимояланишга мажбур бўлди...
- Аслида режа ҳам шундай эди. Чунки иккинчи бўлимдан бошлаб биз ҳам ҳужумларга қўшила бошладик. Асосий вазифа эса қарши ҳужумдан ушлаш эди. Ўйинимиз ҳам қовушди.

- Кейинги рақиб Хорватия ва бизда гуруҳда биринчи ўринни олиш имконияти ҳам бор, бунга жамоа тайёрми?
- Хорватия биринчи турда Марокаш билан ўйнади, менинг фикримча улар африкаликларни бироз менсимай тушишди натижада ўзларига қийин бўлди. Бизни мақсадимиз ҳам аслида шу.

- Менимча Марокаш билан ўйинда айнан шу нарса бизга ас қотди, Марокаш менсимагандек кўринди?
- Лекин тан олиш лозим улар жуда кучли ва тез жамоа. Осон гол урамиз деб ўйлаган бўлишлари мумкин, лекин ҳайрият ҳимояда жиддий ҳатолар бўлмади.


 Нодирхўжа Юлдашев