Руслан Корян: "Асосий мақсадим ОЧЛда ўйнаш"

"Локомотив”га келганимдан жуда хурсандман. Клубдаги ички муҳит жуда яхши. Хорижий йиғинда иштирок этдим, шерикларимнинг савияси анча яхши экани кўриниб турибди. Тўғриси, Осиё чемпионлар лигаси ҳақида умуман эшитмаган эдим. Бироқ бу ерга келишимнинг асосий сабаби айнан ОЧЛда иштирок этиш. Дастлабки ўйинни Саудия Арабистонида “Ал Ҳилол”га қарши ўтказамиз, бу баҳс биз учун жуда муҳим саналади. Илк профессионал шартномамни 17 ёшимда имзолаганман. "Луч Энергия" сафиида ўтган йил Россия кубоги ярим финалига қадар етиб боргандим", - дейди Руслан Корян.