Руди Гарсия: "Фаолиятимдаги энг ёқимли мағлубият бўлди"

1/8 финал жавоб ўйини доирасидаги "Ювентус"дан учралган мағлубиятга қарамай, "Лион" меҳмонда урилган гол эвазига кейинги босқичга йўл олди.

"Бу фаолиятимдаги энг ёқимли лаҳзалардан бири. "Ювентус"дан ўтиш - қаҳрамонлик. Биз бугун биринчи ўйинда гол ўтказмай ғалаба қозонганимиз (1:0) қанчалик муҳим эканлигини кўрдик.

Биринчи бўлим сўнггида пенальтидан урилган гол ёқимсиз бўлди, бунга қадар "Ювентус" унчалик хавфли кўринмаётган эди. Бу уларга ишонч тақдим этди. Шундан сўнг Роналду ҳақиқий ЧЛга хос гол урди, аммо биз хотиржамликни сақлаб қолдик ва бу мен жамоада қадрлайдиган нарсадир.

Мен бу стадионни биламан, бу ерда "Рома" билан бўлганман, шундай экан "Юве"нинг стадионида ғалаба қозониш қанчалик қийинлигини биламан. Бу фаолиятимдаги энг ёқимли мағлубият бўлди. Рома" ва Римдаги барча дўстларимга салом айтмоқчиман. Рагацци, биз буни уддаладик!", - дейди Гарсия.