Рўзиқул Бердиев: "Шўртан" билан баҳсда осон ғалабага эришмадик"

"Ўйинни кўрдинглар. Дербига мос ўйин бўлди. "Шўртан" жамоаси бу мавсум олдига катта мақсадларни қўйганини туфайли ўйин оғир ўтди. Ғалабага осонликча эришмадик. "Насаф" нечинчи бор характер кўрсатиб ютқазиб туриб ғалаба қозонмоқда. Бунинг учун футболчиларимга раҳмат айтаман. Тенг ўйинда ғалабага эришдик", - дейди Рўзиқул Бердиев.

- Олдинда "Локомотив" ва "Ал Аҳли"га қарши ўйинлар кутиб турибди. "Локомотив"га қарши ўйинни бироз кечиктирса бўлмайдими? Йигитлар анча толиб қоладику...
- Йўқ, буни аввалроқ ҳал қилиш керак эди. Умуман олганда "Локомотив" билан бир хил вазиятдамиз. Улар ҳам ОЧЛда ўйнайди. Шу боис муаммо эмас. Бу қийинчилик туғдираётгани рост. Бугун ҳам футболчиларимиз эркин, тезкор ўйин намойиш эта олишмади. Эрондаги баҳсдан кейин 5 нафар футбочлига дам беришга қарор қилдик. Элдор Суюнов, Ҳамза Каримов, Мақсуд Каримов, Эркин Бойдуллаев, Шуҳрат Муҳаммадиев каби футболчиларга мажбур бўлдик дам беришга.

- Шуҳрат Муҳаммадиевни қачон майдонда кўришимиз мумкин?
- Муҳаммадиев жамоа билан умумий гуруҳда машғулот ўтказмоқда. Умид қиламанки 4-5 кунда майдонга қайтса керак.