Рўзиқул Бердиев: “Рақибимиз ўз майдонида кучли ўйин кўрсатди”
14 мар 2018 01:03
Янгиликлар

Рўзиқул Бердиев: “Рақибимиз ўз майдонида кучли ўйин кўрсатди”

Теглар : ОЧЛ Ал Садд Насаф Рўзиқул Бердиев

“Ал Садд” – “Насаф” (4:0) учрашувидан кейинги матбуот анжуманида дастлаб қаршиликлар устози Рўзиқул БЕРДИЕВ иштирок этди.

-Рақибимиз бугун ўз майдонида кучли ўйин кўрсатди, ҳисоб ҳам йирик бўлди. Бундай ҳисобда мағлуб бўламиз деб, ўйламагандик. “Ал Садд” ҳақли равишда ғалаба қозонди.

Бугун ҳимояда жуда қупол хатоларга йўл қўйдик. Бундай ўйинларда йўл қўйилган хатолар асло кечирилмайди. Ҳамма голлар ўзимизнинг хатолар орқали киритилди. Драган Чераннинг эртароқ майдонни тарк этиши, ўйинимизга асло таъсир қилгани йўқ.

Гуруҳдаги вазиятга тўхталадиган бўлсам, вазият шундайки, битта ўйиннинг натижаси кўп нарсани ўзгартириб юбориши мумкин. Бўлажак ўйинлар натижаси бунга аниқлик киритади. Биз курашни давом эттирамиз.

"Насаф" матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +39