Рўзиқул Бердиев: "Иккинчи бўлимда таркибда ва тактик схемада юзага келтирган ўзгаришларимиз ўз сўзини айтди"

Ўйин ҳақида

- Учрашувни бошида биринчи голни уриб бир оз ўйинимизни пасайтирдик. Шуни эвазига иккита тўп ўтказиб юбордик. 

Иккинчи бўлимда таркибда ва тактик схемада юзага келтирган ўзгаришларимиз ўз сўзини айтди. Биз ўзимиз учун зарур бўлган натижага эришдик.

- Кубок ўйинларида жамоангизнинг мақсади қандай?

- Албатта, ҳар бир мусобақада максимал ҳаракат қиламиз. Осон рақибнинг ўзи йўқ. Ҳар бир ўйинга жиддий тайёргарлик кўриш лозим. 

- Калудерович кубок учрашувида яхши ўйнади. Суперлигада ҳали жамоага киришиб кета олгани йўқ. Буни қандай изохлайсиз?

- У жамоамизга яқинда келиб қўшилди. АГМК билан ўйинда ҳам ёмон ҳаракат қилмади. Бугунги ўйинда ўзининг сермаҳсуллигини кўрсатди. Унинг тажрибаси бизга асқотади деб ўйлайман. 

- Абдувоҳид Неъматовнинг жароҳати қай даражада жиддий?

- У тиззасидан жароҳат олди. Қай даражада жиддийлигини кейинроқ аниқлаб оламиз.

- ОФК кубогига тайёргарлик қандай?

- "Аҳал" жамоаси ҳақида ўрганаяпмиз. Лекин уларда чемпионат тўхтаб қолгани боис маълумотларимиз кўп эмас. Биз уларнинг Тожикистон ва Қирғизистон клубларига қарши ўтказган ўйинларини кўриб чиқаяпмиз. 

- Мухлисларни ташрифи ОФК кубоги ўйинларида бўлиши мумкинми?

- Бу борада сўраб кўрдик, ҳозирча қандай жавоб берилганини билмайман. Лекин мухлислар билан ўтадиган ўйинлар бутунлай бошқача, янада жозибадор бўлиши аниқ.