Рўзиқул Бердиев: "Бугун бизга омад кулиб боқди"

"Аввало барчага табриг учун раҳмат. Ғалабани асосий омили ва сабаби бизга озгина омад кулиб боққанида бўлди деб ўйлайман. Футболчиларимиз бугун жуда катта иштиёқ билан ўйнашди ва якунда ғалабага эришдик. Биз ҳали ўз ўйинимизни кучайтириб боришимиз лозим. ОЧЛ доирасидаги ўйинларда биз бунданда кучли жамоалар билан дуч келамиз. Шерзод Аъзамов енгил жароҳат олди ва биз уни муҳим ўйин олдидан асраш мақсадида захирага олдик. Раҳматов ҳам бугун ўзини яхши томонлама кўрсатди. Мени кўпроқ ташвишлантираётган чизиқ бу чап қанот ҳимояси ва ҳужум чизиғи. Санжар Қувватов Ўзбекистондаги энг иқтидорли, яхши савиядаги дарвозабон ҳисобланади. Элдор Суюнов мамлакатимиздаги энг кучли киперлардан бири сананалади. Унинг иқтидорига шубҳа йўқ. Бугун Қувватовни асосий таркибга қўйганим ҳеч нимани англатмайди. Бизда иккита юқори савиядаги дарвозабонлар бор. Қайси дарвозабон ўйинга тайёр бўлса ўшани асосий таркибга қўямиз. Дилшод Раҳматуллаев бугун якка-курашларда фаол ҳаракат қилди. Жамоадошларига тўп узатишда кичик хатолар бор. Чунки ўйин амалиёти кам. Ўйиндан-ўйинга бу муаммо бартараф этилади деб ўйлайман. Биз учун энг муҳими бу ғалаба.  Бугунги ғалаба билан барча "Насаф" мухлисларини табриклайман", - деди Рўзиқул Бердиев.