Рой Кин Бруну Фернандеш сардорлиги ҳақида: "У биз кутган сардор эмас, иқтидорли бўлишнинг ўзи камлик қилади"
27 фев 20:02
Янгиликлар

Рой Кин Бруну Фернандеш сардорлиги ҳақида: "У биз кутган сардор эмас, иқтидорли бўлишнинг ўзи камлик қилади"

Рой Кин Бруну Фернандешни МЮга муносиб сардор деб билмайди.

"У биз кутган сардор эмас. Жамоа ҳақида гапирадиган бўлсам, таркиб танлаш борасида ҳам ўйлаб кўриш керак, жамоа ўйинига бироз тезлик, курашувчанлик қўшиш зарур.
"Эвертон" билан дуранг ўйнаб, улар [натижага реакцияси] худди кубок ютганларникидек бўлди. Бу жуда ғалати ҳолат. Мен ўйинларда учратадиган мухлислар ҳам Брунуни кўкларга кўтаришади. Уларга қарарканман: "Лаънати фирибгарлар", - деган фикр келади.
Жамоа лигада 15-ўринда, у эса жамоани қутқармоқда. Иқтидорнинг ўзи етарли эмас. Бруну иқтидорли, гап йўқ, лекин бунинг ўзи камлик қилади. Ўйинчиларни ортидан эргаштира оладиган футболчи керак. Футболчилар биринчи навбатда кўзгудаги аксларига қараб, қайси клуб сафида тўп тепаётганини ҳис қилиши керак", – деди МЮ собиқ сардори "The Overlap" подкастида.

Ҳавола :

Манба : Goal

Янгиликларни Телеграмда ўқинг!

Рейтинг: +1