Роналду: "Манчестер Юнайтед"нинг натижаларидан мамнун эмасман. Ўз устимизда янада кўпроқ ишлашимиз керак"

Криштиану Роналду янги 2022 йил арафасида жамоасининг Англия чемпионатидаги иштирокига баҳо бериб, бундан норозилигини билдирди.

"Манчестер Юнайтед"нинг натижаларидан мамнун эмасман. Ҳаммамиз норозимиз, бунга аминман. Биз ҳозиргидан кўпроқ ишлаб, яхшироқ ўйнашимиз кераклигини биламиз.

Янги йил мавсумнинг бурилиш нуқтаси бўлсин! 2022 йилни ажойиб кайфият ва кучли руҳиятда кутиб олайлик. Келинг, қўлимиздан келган барчасини қилиб, юлдузлар томон интилайлик ва бу клубни ўз жойига қайтарайлик! Бизга қўшилинг, биз сизга ишонамиз! Янги йилингиз билан, тез орада кўришгунча", – деб ёзди Роналду Instagram'да.

"Манчестер Юнайтед" Англия чемпионатида 18 ўйиндан сўнг 31 очко билан 6-поғонада бормоқда.