Роналду бир қанча ажойиб натижалар қайд этди

Қайд этиш керак, ушбу учрашувда туринликлар етакчиси Криштиану Роналду икки бора рақиб постига йўл топа олди.

Португалиялик футболчи фаолиятидаги 150 ҳамда 151-пенальтиларни тепди. Шулардан 25таси голга айланмаган бўлса, 126 зарба дарвоза тўрига бориб тушган.

Шунингдек, Роналду 2005 йилдан кейин "Ювентус" таркибида кетма-кет 9 ўйинда гол урган илк футболчига айланди. У 19 ўйинда 19 гол уриб, тўпурарлар рўйхатида Чиро Иммобиледан (23) кейин иккинчи ўринни эгаллаб турибди. 

Сўнгги 9 ўйинда 14, 2020 йилда эса у 6 учрашувда 10 гол урди.