"Рома" футболчиси жаримага тортилди

Ноябрь ойида Жозе Моуринью "Рома"нинг "Сассуоло"га қарши ўйинидан сўнг ўз жамоаси футболчисини танқид қилган ва унга янги клуб излашни маслаҳат берганди. 

Моуринью футболчининг исмини айтмади, лекин у Рик Карсдорпни назарда тутгани аниқ эди. Ўша воқеадан сўнг ҳимоячи Нидерландияга жўнаб кетди ва Римга ўз вақтида пайдо келмади, бунга психологик муаммолар сабаб бўлди. Натижада Карсдорп жамоаси билан Япониядаги йиғинга бормади.

Манбанинг хабарига кўра, "Рома" Рик Карсдорпни жаримага тортди.

Олдинроқ "Рома" қишда Рик Карсдорпни сотишга уриниб кўриши ҳақида маълумотлар пайдо бўлганди. Футболчига "Ювентус" қизиқиш билдирмоқда.