Robert Gay: "Dinamo"ga bugun ochiqchasiga omad kulib boqdi"

Narzulla Saydullayev
12 apr 2014, 20:21
Andijonda kechgan "Andijon" - "Dinamo "o'yinidan so'ng o'tkazilgan matbuot anjumanida mezbonlardan yordamchi murabbiy Robert Gay ishtirok etdi.
- Albatta bugun chempionatdagi ilk g'alabiizni tantana qilishni xohlagan edik. "Dinamo"ga bugun omad ochiqchasiga kulib boqdi. Bu jamoa hisob 2:1 ko'rinishga kelganidan so'ng ham o'z irodasini ko'rsatib g'alabani ilib ketdi. Oldingi chiziqda gol urishimiz uchun aniqlik yetishmadi. Nima ham derdik, hayot davom etadi.

- "Dinamo" bugun asosan qarshi hujum taktikasida o'ynashini kutgandik. Tarkibiga e'tibor qaratadigan bo'lsangiz asosan himoyaviy tarkibni ko'rish mumkin. O'tgan yili "Dinamo" tarkibida o'ynagan ikkita asosiy futbolchisi tushmadi. Umuman aytganda Samarqand jamoasini havfli ekanligini bilardik. Tezkor futbolchilarga ega. Kutganimizdek uchrashuvning 9-daqiqasidayoq ular hisobni ochishga erishdi.

- Javob to'pini kiritib hisobda oldinga chiqib olganimizdan keyin esa himoyadagi ikkita hato evaziga g'alabani qo'ldan boy berdik.

- Hujumchilarimiz yomon o'ynashmayapti. Faqat ularga gol urish uchun tajovuzkorlik yetishmayapti.

- Keyingi o'yinlarga endi yanada jiddiy tayyorgarlik ko'rish talab etiladi.

Islombek Rustambekov yozib oldi.

Narzulla SaydullayevMuallif
Manba: championat.asia