Рэшфорд: "Руни эришган ютуқларни жуда кўпчилик орзу қилади"
10 июл 2017 20:11
Янгиликлар

Рэшфорд: "Руни эришган ютуқларни жуда кўпчилик орзу қилади"

"Манчестер Юнайтед" ҳужумчиси Маркус Рэшфорд "Эвертон"га ўтган жамоадоши Уэйн Руни шаънига илиқ фикрларни билдирди.

"Буюк ўйинчи ва инсон. У эришган ютуқларни кўпчилик фақат орзу қилади. Энг яхши тилакларим", -деб ёзди футболчи ўзининг твиттердаги расмий саҳифасида.

Руни фаолиятини "Эвертон"да бошлаган ва 2004 йилда МЮга ўтган. "Қизил иблислар" таркибида 13 йил давомида Руни клуб тарихидаги энг яхши тўпурар (253та гол)га айланди, 5 маротаба АПЛни ютди, Чемпионлар лигаси, Европа лигаси, Англия кубоги ва клублар ўртасида Жаҳон чемпионатида бир марта ғолиб бўлди. 3 бор Лига кубогини, 4 маротаба эса Англия Суперкубогини боши узра баланд кўтарди.