"Реал" ўнг қанот ҳимоясида кимни ўйнатади?
21 ноя 14:09
Янгиликлар

"Реал" ўнг қанот ҳимоясида кимни ўйнатади?

"Реал" ярим ҳимоячиси Федерико Вальверде "Леганес"га қарши Ла Лиганинг 14-тур учрашувида ўнг қанот ҳимоячиси сифатида майдонга тушади.

Бу ҳақда машҳур испан журналисти Хосе Луис Санчес Х ижтимоий тармоғида хабар берди.

Манбанинг хабарига кўра, уругвайлик футболчи хочсимон боғламини узиб олгани сабабли мавсумнинг қолган қисмини ўтказиб юборадиган Дани Карвахаль ва мушакларидан жароҳатлангани туфайли камида 3 ҳафта майдонга туша олмайдиган Лукас Васкесни алмаштириши керак.

Аввалроқ "Реал" бош мураббийи Карло Анчелотти бу жойда бразилиялик Эдер Милитаони ўйнатишни режалаштирганди, бироқ у ҳам худди шундай жароҳат туфайли бутун мавсумни ўтказиб юборади.

Мадриднинг "Реал" клуби айни пайтда 27 очко билан Ла Лига турнир жадвалида иккинчи ўринда бормоқда. "Барселона" 33 очко билан пешқадамлик қилмоқда.

Ҳавола :

Манба : x.com/jlsanchez78

Янгиликларни Телеграмда ўқинг!

Рейтинг: +2