«Реал» етакчисининг гапларидан норози ва уни ёзда сотиб юбориши мумкин

Гап шундаки, бразилиялик футболчи EЧЛ финали олдидан «Манчестер Сити»ни дунёдаги энг кучли жамоа деб ҳисоблашини маълум қилган. Бу гаплар эса «қироллик клуби» раҳбариятига ёқмаган ва шу сабабли ҳужумкор футболчини сотиб юборишлари мумкин. Мадридликлар футболчини 150 миллион еврога сотишга тайёр.

Аввалроқ, Родригога ПСЖ, «Манчестер Сити», «Манчестер Юнайтед» каби жамоалардан қизиқиш борлиги маълум бўлганди.

Маълумот учун, Родриго ўтган мавсум барча мусобақаларда 51 та учрашувда майдонга тушди. Унинг ҳисобида 17 та гол ва 10 та голли узатма бор. Унинг «Реал Мадрид» билан тузган шартномаси 2028 йилга қадар мўлжалланган.