Равшан Ҳайдаров: "Ғалабадан бошқа йўл йўқ!"
16 окт 2014 15:32
Янгиликлар
Равшан Ҳайдаров: "Ғалабадан бошқа йўл йўқ!"
Бугун Таиланд U19 ва Ўзбекистон U19 терма жамоалари ўртасидаги ўйин олдидан матбуот анжумани бўлиб ўтди.
Равшан Ҳайдаровнинг айтишича, 17 октябрдаги ўйинда икки жамоа учун ҳам қийин ўйин бўлади ва кучли жамоа жаҳон чемпионатига чиқади.
"Бизнинг терма жамоаларга катта вазифалар қўйилгани каби, ишқибозлар ҳам катта ғалабалар кутишади. Ғалабадан бошқа йўл йўқ! Жаҳон чемпионатига чиқишни биз қандай истаётган ва кутаётган бўлсак, Таиланд ҳам шундай кучли истак билан майдонга тушади", - деб гап бошлади Равшан Ҳайдаров.
"Таиланд ажойиб жамоа. Тезлик, куч, ғайрат ва иродаси бўйича шу турнинг энг яхши жамоаларидан бири ҳисобланади. Гуруҳ босқичидаги охирги ўйинлари Таиланднинг ҳар қандай шароитда вазиятни ўзгартиришга қодир жамоа эканлигини кўрсатди. Об-ҳаво, иқлим? Биз бу шароитда биринчи марта ўйнамаяпмиз ва бу ҳақда билар эдик. Шуларни инобатга олиб тайёргарлик кўрганмиз. Икки жамоа учун ҳам қийин, ишқибозлар учун эса қизиқарли ўйин бўлади деган умиддаман", - дейди Ҳайдаров.
Таиланд терма жамоаси бош мураббийи Сасом Побпрасетнинг айтишича, 17 октябрдаги чорак финалда Ўзбекистон фаворит ҳисобланади.
"Эртага биз ютқазиб қўйсак одатий қабул қилиниши мумкин, лекин Ўзбекистон ярим финалга чиқолмаса роса янгилик бўлади. Ўзбекистон кучли жамоа ва уларга қарши ўйин оғир кечади. Қолаверса, таркибимизда муаммолар, жароҳат олганлар бор. Гуруҳ босқичидаги камбэклар чиқмаслиги мумкин, чунки бу ўйин тақдири бир ўйинда ҳал бўлади, 3 та имконият йўқ. Биз бор имкониятимизни ишга соламиз, кучимизни бериб ўйнаймиз, лекин рақибимизнинг кучли эканлигини ҳам тан оламиз", - дейди Сасом Побпрасет.
Ўзбекистон ва Таиланд ўртасидаги чорак финал 17 октябрда Тошкент вақти билан 17:30 да бошланади.
ЎФФ матбуот хизмати
"Бизнинг терма жамоаларга катта вазифалар қўйилгани каби, ишқибозлар ҳам катта ғалабалар кутишади. Ғалабадан бошқа йўл йўқ! Жаҳон чемпионатига чиқишни биз қандай истаётган ва кутаётган бўлсак, Таиланд ҳам шундай кучли истак билан майдонга тушади", - деб гап бошлади Равшан Ҳайдаров.
"Таиланд ажойиб жамоа. Тезлик, куч, ғайрат ва иродаси бўйича шу турнинг энг яхши жамоаларидан бири ҳисобланади. Гуруҳ босқичидаги охирги ўйинлари Таиланднинг ҳар қандай шароитда вазиятни ўзгартиришга қодир жамоа эканлигини кўрсатди. Об-ҳаво, иқлим? Биз бу шароитда биринчи марта ўйнамаяпмиз ва бу ҳақда билар эдик. Шуларни инобатга олиб тайёргарлик кўрганмиз. Икки жамоа учун ҳам қийин, ишқибозлар учун эса қизиқарли ўйин бўлади деган умиддаман", - дейди Ҳайдаров.
Таиланд терма жамоаси бош мураббийи Сасом Побпрасетнинг айтишича, 17 октябрдаги чорак финалда Ўзбекистон фаворит ҳисобланади.
"Эртага биз ютқазиб қўйсак одатий қабул қилиниши мумкин, лекин Ўзбекистон ярим финалга чиқолмаса роса янгилик бўлади. Ўзбекистон кучли жамоа ва уларга қарши ўйин оғир кечади. Қолаверса, таркибимизда муаммолар, жароҳат олганлар бор. Гуруҳ босқичидаги камбэклар чиқмаслиги мумкин, чунки бу ўйин тақдири бир ўйинда ҳал бўлади, 3 та имконият йўқ. Биз бор имкониятимизни ишга соламиз, кучимизни бериб ўйнаймиз, лекин рақибимизнинг кучли эканлигини ҳам тан оламиз", - дейди Сасом Побпрасет.
Ўзбекистон ва Таиланд ўртасидаги чорак финал 17 октябрда Тошкент вақти билан 17:30 да бошланади.
ЎФФ матбуот хизмати
championat.asia
Клублар ўртасидаги ЖЧга қизиқиш жуда паст
Клублар ўртасидаги ЖЧ. "Реал Мадрид" "Ал Ҳилол" билан дуранг ўйнади. Вальверде 90+2 дақиқада пенальтини голга айлантира олмади
Суперлига. "Андижон" ва "Қизилқум" "Бобур Арена"да муроса кўчасини танлади
Абдуқодир Ҳусанов – Осиёнинг энг қиммат футболчиларидан бири!
Фикрлар