UZ

Сўнгги янгиликлар

07:25Трент “Реал“да қанча ишлаб олиши маълум  0 02:11АПЛ. Дуранг ўйнаган "Ноттингем Форест" ЧЛ зонасига қайта олмади  2 01:48А Серия. "Милан" иродали ғалабага эришди, аммо жамоа ҳали ҳам кучли саккизликда эмас  1 01:17"Париж" - 46 йилдан сўнг Лига 1да! Унинг стадиони ПСЖ аренасидан йўлнинг нариги томонида жойлашган (мутолаа учун)  1 00:55Моуринью 2010 йилда "Интер"нинг "Барселона" устидан қозонган ғалабаси ҳақида: "Ўша воқеани тасвирлаши мумкин бўлган сўз йўқ"  10 00:50Кафу Рафинья ҳақида: "У билан "Олтин тўп" учун рақобатлаша оладиган ўйинчиларни кўрмаяпман"  3 00:09Рафинья: "Мен Италия терма жамоасида ўйнашга жуда яқин келганман"   4 23:09"Интер"нинг муҳим футболчиларидан бири "Барселона"га қарши ўйнамайди  3 22:47"Олимпик" "ФарДУ"ни таслим қилган баҳсдан ФОТОГАЛЕРЕЯ  0 22:33ЛаЛига жамоаси футболчиларининг бутса ва қўлқопларини ўғирлаб кетишди. Машғулот бекор қилинди  2 21:30БАА. Азизбек Ғаниевнинг голи туфайли "Ал Батеҳ" 3 очкони қўлга киритди  7 21:03Педру Морейра "Пахтакор"ни тарк этди  61 20:54Дани Алвес медиалига клуби билан музокаралар олиб бормоқда  2 20:38"Европа Лигаси ғолиби ЕЧЛ йўлланмасига эга бўлмаслиги керак" — Арсен Венгер  11 20:13Мирко Йеличич: "Ўзбекистонда "тоза" ва техник футбол намойиш этишмаётганидан хафаман"  3

Рауф Инилеев: “Олимпия терма жамоамизда лидер йўқлиги панд берди” Янгиликлар

Рауф Инилеев: “Олимпия терма жамоамизда лидер йўқлиги панд берди”

Қатарда бўлиб ўтаётган ёшлар ўртасидаги Осиё чемпионатида вакилларимиз гуруҳдаги иккинчи учрашувда ҳам имкониятни бой берди.

Ироққа мағлуб бўлганидан сўнг Риода бўлиб ўтадиган олимпияда йўлланмаси ҳам қўлдан чиқди. Гуруҳдаги кетма-кет мағлубиятлардан сўнг ҳар ким турлича фикр билдирмоқда. Биз эса ўзбек футболидаги таниқли мутахассислардан бири бўлган Рауф Инилеевни суҳбатга чорладик ва бу борада фикрларини билишга қизиқдик. 

- Рауф Талгатович, ўз вақтида мамлакатимизнинг турли ёшдаги терма жамоаларини бошқаргансиз. Шундай экан ёшларимизнинг Қатардаги иштироки хусусида фикрингизни билдириб ўтсангиз дегандик.

- Албатта бошқа ҳамюртларимиз қатори мен ҳам ёшларимиздан олимпиада йўлланмасини қўлга киритишини кутгандим ва бу борада уларга мухлислик қилиб, ҳар бир учрашувни диққат билан кузатиб бордим. Аммо гуруҳдаги кетма-кет мағлубиятлар ҳам киши кўнглини хира қилди. Нима ҳам дердик, бу футбол. Ҳаёт эса давом этади. 


- Сизнингча ёшлар терма жамоамизга нима етишмади?

- Биласизми ёшлар терма жамоамизда мусобақага тайёргарлик кўриш учун кам вақт бўлди. Шу кунгача ОТЖни кўплаб мураббийлар бошқарди. Бу ҳам қайсидир маънода ўз тасирини ўтказмасдан қолмади деб ўйлайман.

- Ортда қолган иккита ўйин хусусида фикрингиз қандай?

- Жанубий Корея бу Осиёнинг энг кучли терма жамоаларидандир. Уларнинг ҳар қандай ёш тоифасидаги жамоаси доимо кучли бўлиб келган. Улар билан учрашувда вакилларимиз ёмон харакат қилмади. Ироққа келадиган бўлсак, менимча уларнинг ярим таркиби миллий терма жамоада ҳам мунтазам равишда ўйнаб келади. Маҳорат бобида улар кучлилик қилди. Қолаверса ироқликларнинг кўпчилик ўйинчилари миллий терма жамоада ҳам ўйнаши ушбу турнирда уларга қўл келди деган бўлардим. Бу рақибларимизда тайёргарлик учун вақт етарли бўлди.  

- Ёшлар терма жамоамизнинг таркиби борасида нима дейсиз?

- Асосий камчилигимиз бу – ОТЖда  лидер ўйинчининг йўқлигидир. Айнан ушбу жиҳат бизга панд берди деган фикрдаман. Бирорта футболчи яққол ажралиб тургани йўқ. Олдинги чизиқ вакилига қулай пас ошириб берувчи диспетчерни кўрмадим. Миллий терма жамоада Одил Аҳмедов, Сервер Жепаров ва Азизбек Ҳайдаров сингари жамоани ортидан эргаштира оладиган ўйинчилар бор. Лекин олимпия терма жамоасида бу каби футболчини кўрмадим. 

- Кўпчилик марказда Жамшид Искандеровдан кўп нарса кутганди. Фикримизга қўшиласизми?

- Албатта. Лекин Жамшидда ўткан йили кўп жарохатлар бўлди. Истайсизми йўқми жарохатдан сўнг футболчининг бирдан яна аввалгидек ўйнаб кетиши қийин бўлади. Иккита ўйин шуни кўрсатдики, Искандеров ҳозирча оптимал формада эмас. 

- Терма жамоа сардори Игорь Сергеевнинг ўйини қандай таассурот қолдирди?

- Тўғриси, шахсан мен Сергеевдан ҳам кўп нарса кутгандим. Чунки у ўткан йили ажойиб мавсумни ўткади. Олий лигад тўпурарликни қўлга киритди. МТЖда ҳам асосий ҳужумчига айланганди. Аммо Қатар майдонларида ўзини ижобий жиҳатларини намоён эта олмади. Эътибор беринг Игорь МТЖда асосий ҳужумчи сифатида харакат қиларди. ОТЖда эса у ярим ҳимояга ҳам қайтиб ёрдам бериб турди. Ваҳоланки ўйинни битта ҳужумчи билан ўтказдик.  

- Сизнингча қайси футболчимиз ўзидан яхши таассурот қолдирди?

- Менга фақат Достонбек Ҳамдамовнинг ўйини ёқди. 2015 йил Осиёнинг энг яхши ёш ўйинчиси бўлган Достон ҳар икки учрашувда ҳам ўзини кўрсатишга уринди. Ўз номига иккита гол ҳам ёздириб қўйишга эришди. Қолганлар ҳақида бундай дея олмайман. Шу иккита ўйиндан келиб чиқиб айтадиган бўлсак, ёшларимизнинг иштирокини 5 балли тизимда 3 баҳога лойиқ деб топаман. 

- Таркиб борасида нима деган бўлардиз?

- Бизга энг аввало ишончли дарвозабон етишмади. Ҳимоячиларимиз ҳам бир-бирини тушуниб ўйнай олмади. Марказни эса айтиб ўтдим, диспетчер йўқ. Агарда бу томондан камчилик бўлмаганида ўйлайманки олдинги чизиқдаги ишларимиз ёмон кечмасди. 

Исломбек Рустамбеков суҳбатлашди. 


Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика