UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  13 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  30 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Расмий хабар: ОФК Бош котиби расмий ташриф билан Тошкентга келди Янгиликлар

Расмий хабар: ОФК Бош котиби расмий ташриф билан Тошкентга келди

21 август куни Осиё Футбол Конфедерацияси Бош котиби Дато Виндсор Жон ва Осиё Футбол Конфедерациясининг футбол уюшмалари билан ишлаш департаменти бошлиғи Рави Кумар расмий ташриф билан Тошкентга келди.

ОФК делегациясининг ташрифдан кўзланган асосий мақсади 12 сентябрь куни Тошкентда бўлиб ўтадиган Ўзбекистон Футбол Федерациясининг ҳисобот-сайлов конференциясига тайёргарлик ишлари билан яқиндан танишиш бўлди.

Ташриф дастурига мувофиқ ОФК Бош котиби Дато Виндсор Жон Ўзбекистон Футбол Федерацияси Президенти Мираброр Усмонов билан учрашди. Ўзбекистон Футбол Федерациясида бўлиб ўтган учрашув чоғида Мираброр Усмонов биринчи марта Ўзбекистонга ташриф буюраётган ОФК Бош котибига мамлакатда спортни, шу жумладан, футболни ривожлантириш бўйича амалга оширилаётган ишлар юзасидан қисқача ахборот берди.

ОФК Бош котиби Дато Виндсор Жон Ўзбекистонни Марказий Осиёдаги энг муҳим федерациялардан бири эканлигига алоҳида урғу бериб, Осиё бугунги Ўзбекистоннинг халқаро футбол майдонлардаги ютуғини тан олаётганлигини таъкидлади. Томонлар, шунингдек, ЎФФнинг ҳисобот-сайлов конференциясига доир масалалалар юзасидан ўзаро фикр ва тажриба ҳам алмашди.



Мираброр Усмонов билан учрашувдан кейин ОФК делегацияси Ўзбекистон Миллий Олимпия Қўмитасига ташриф буюриб, спортни янада ривожлантириш бўйича қилинаётган ишлар билан яқиндан танишди. Дато Виндсор Жон, шунингдек, Миллий Олимпия Қўмитаси ҳузуридаги Республика спорт тиббиёти илмий-амалий марказининг фаолиятини қисман кузатиш имкониятига эга бўлди ва марказ ҳудудида бунёд этилаётган мураккаб жарроҳлик амалиётлари бажариладиган кардио-хирургия клиникасининг қурилиш ишлари билан ҳам қизиқди.



ОФК делегацияси бугуннинг ўзида Тошкентдаги “Бунёдкор” стадионига ташриф буюриб, ўзбек футболи тарихи музейини кўздан кечирди. “Бунёдкор” бош директори Мурод Алиев ОФК бош котибига “Бунёдкор” стадионининг тарихи, қурилиши ва бугунги кунда амалга оширилаётган ишлар ҳақида гапириб берди. ОФК Бош котиби Дато Виндсор Жон “Бунёдкор” стадиони фахрий меҳмонлари китобида ўз дастхатини ҳам қолдирди.



ОФК делегацияси 22 август куни Самарқандга ташриф буюради ва шаҳарнинг диққатга сазовор жойларида бўлиб, шу куннинг ўзида Ливанга хизмат сафарига учиб кетади.

Ташриф давомида ОФК делегациясига Ўзбекистон Футбол Федерацияси Биринчи вице-президенти ва Бош котиби, Осиё Футбол Конфедерациясининг ижроия қўмитаси аъзоси Сардор Раҳматуллаев ва Ўзбекистон Футбол Федерацияси вице-президенти Асқар Толибжонов ҳамроҳлик қилади.

Рейтинг: -48   

Фикрлар

championat.asia
< сўнгги янгиликларни кўриш
Яндекс.Метрика