Расман! "Пахтакор" Шаркич билан шартнома имзолади

"Андерлехт" ва "Бенфика" жамоалари тарбияланувчиси саналган Оливер Шаркич "Пахтакор" билан 2022 йил охиригача мўлжалланган келишувга имзо чекди. 

Оливер фаолияти давомида "Фафе" (Португалия), "Лидс" (Англия), "Баракальдо" (Испания), "Бартон Альбион" (Англия), "Мансфильд Таун" (Англия) ва "Блэкпул" (Англия) каби жамоалар сафида ўйнаган. Бир неча кун аввал "Блэкпул"ни тарк этди ва бугун жамоамиз билан шартнома имзолади. Шаркич Черногориянинг турли ёшдаги терма жамоалари сафида майдонга тушган. "Бенфика" ёшлар жамоаси таркибида ёшлар ўртасидаги Чемпионлар Лигасида қатнашиб, бир нечта гол муаллифига айланган", – дейилади "Пахтакор" матбуот хизмати хабарида.

Олдинроқ "Эшитдик-да!" рукни остида "Пахтакор" Англия клуби ҳужумчисини олиб келаётгани борасида хабар берган эдик.