Қойил қолиш керак, Австралия охирги 11та ўйиннинг ҳаммасида ғалаба қозонди
11 окт 2021 21:54
Янгиликлар

Қойил қолиш керак, Австралия охирги 11та ўйиннинг ҳаммасида ғалаба қозонди

Австралия ОФКга қўшилганидан бери кўп жамоаларга бошоғриқ бўляпти.

Хусусан бу жамоа охирги 11та расмий беллашувнинг ҳаммасида ғалабага эришди. Яъни, "соккерузлар" навбатдаги ЖЧ саралаш баҳслари бошланганидан бери фақат ютиб келишмоқда.

11та ўйиннинг ҳаммасида ғалаба қозониш учун Австралияга 766 кун керак бўлди. Қизиғи шундаки, Австралия терма жамоаси 11 ўйиндан 10тасини мамлакат ташқарисида ўтказиб, шундай натижа қайд этди.

Бу учрашувларда Грэм Арнольд шогирдлари жами 35та гол уриб, ўз дарвозаларидан атиги 3та тўп ўтказиб юборишди ва 8 беллашувда дарвоза дахлсизлиги сақлаб қолинди.

Дарвоқе, Австралия эртага сафарда Япония меҳмони бўлади. Бу учрашувда ҳам ғалабали анъана давом этадими? Буни Тошкент вақти билан 15:15да бошланадиган баҳс давомида билиб оламиз.

P.S. Австралия сўнгги бор Осиё Кубоги-2019 чорак финалида БААга 0:1 ҳисобида имкониятни бой берган.

Ҳавола :

Манба : championat.asia

Янгиликларни Телеграмда ўқинг!

Рейтинг: +6