"Қизилқум" футболчиси Станиславлевич: "Локомотив" билан ўйиндаги ғалабанинг қадри мавсум охирида билинади"
05 мар 2022 18:01
Янгиликлар
"Қизилқум" футболчиси Станиславлевич: "Локомотив" билан ўйиндаги ғалабанинг қадри мавсум охирида билинади"
Олмалиқда "Локомотив" рақиблик қилган ўйинда навоийликлар 2:0 ҳисобида зафар қучди. Жамоанинг иккинчи голига муаллифлик қилган Александар Станиславлевич учрашувдан сўнг фикрлари билан ўртоқлашди.

"Биринчи ўринда ғалабани рақибга бермаганимиздан хурсандман. Мавсумнинг бошида жуда муҳим уч очкони қўлга киритдик. Ушбу очконинг қадри мавсум охирида билинади. "Локомотив" билан ўйиннинг бошидан қайноқ кураш кечди. Рақибга яхши ўйин учун миннатдорчилик билдираман.
Албатта Ўзбекистон чемпионатидаги дебютимда гол уришим ёқимли. Лекин бу мен учун муҳим аҳамият касб этмайди. Жамоавий натижа ҳамма нарсадан устун саналади. Бир нарсани айтишим керакки, жамоада ички муҳит аъло даражада. Клубга келган пайтимданоқ чиқишиб кетдик. Ўзимни уйимдагидек ҳис қилмоқдаман. Бу омил ўз-ўзидан майдондаги ҳаракатларимизнинг яхшиланишига хизмат қилмоқда",- дейди сербиялик ярим ҳимоячи.
Ўхшаш янгиликлар
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
Cуперлига. "Нефтчи" Фарғонада "Сурхон"ни мағлуб этиб, чемпионлик учун курашни давом эттирадиган бўлди
Суперлига. Шиддатли кечган Пойтахт дербисида "Пахтакор" "Бунёдкор"ни мағлуб этди
Ла Лига. "Барселона" ўз майдонида "Эльче"ни мағлуб этди
Фикрлар