Қирғиз Республикаси устози: "Биз қилган ўзгаришлар рақибга бир қанча ноқулайликлар туғдирди. Бугун уларни хайрон қолдира олдик"
11 сен 00:27
Янгиликлар
![](https://championat.asia/upload/storage/801422_original.jpg)
![](/upload/storage/801422_220.jpg)
Қирғиз Республикаси устози: "Биз қилган ўзгаришлар рақибга бир қанча ноқулайликлар туғдирди. Бугун уларни хайрон қолдира олдик"
"Бундай ўйинларда майдонга тушиш қийин иш. Мен йигитларга кўрсатган ўйинлари учун миннатдорчилик билдирдим. Чунки улар бу ўйинларга тайёргарлик жараёнида катта ҳажмдаги ишни бажаришди, бизга умид бера олишди. Биз ростдан ҳам очко олишни истагандик, афсуски, буни иложи бўлмади. Бу каби юқори даражада етарли тажрибамиз бўлмагани учун эмоцияларимизни жиловлай олмадик. Шу сабабли бугунги ўйин бизнинг фойдамизга ҳал бўлмади.
Тайёргарлик учун қисқа вақт бўлишига қарамай, бугунги ўйинга яхши тайёрландик, таркибни танладик. Сиз Аликуловни Кенжабаевга алмаштирганим ҳақида гапирдингиз, аммо таркибда жуда кўп ўзгаришлар бўлганди. Ўйин пайти ҳам кўрдикки, бу ўзгаришлар рақибга бир қанча ноқулайликлар туғдирди. Иккита гол урдик, аммо қаердадир бироз таваккал қилдик. Футболда таваккал қилиш керак. Бугун рақибни кутилмаган ҳолатлар билан хайрон қолдира олдик. Ҳар сафар ҳам бундай бўлмади, рақибга ҳам етарлича кўп имконият қолдирдик ва улар ўз вазиятларидан фойдаланиб кетишди. Биз керакли хулосани чиқарамиз ва тайёргарлик кўришда давом этамиз. Бундай ўйинлар жамоа учун, айниқса, ёш футболчилар учун тажриба бўлади. Кейинги йиғинларда янада кучлироқ бўла оламиз деб ўйлайман", -дейди Максим Лисицин.
Ўхшаш янгиликлар
![AMP Logo](https://championat.asia/image/logo-amp.png)
Фикрлар