Қиличев ва Шотурсунов "Пахтакор" сафида машғулот ўтказишмоқда
15 июл 2014 12:45
Янгиликлар

Қиличев ва Шотурсунов "Пахтакор" сафида машғулот ўтказишмоқда

Биринчи даврани чемпионат пешқадамларидан бири бўлиб якунлаган “Пахтакор” футболчиларига 13-тур доирасидан урин олган “Бунёдкор"га қарши бўлиб ўтган (3:1) қолдирилган учрашувдан сўнг таътил берилганлиги ҳақида хабар бериб ўтгандик.

12 июлдан бошлаб "Пахтакор"нинг барча футболчилари клуб қароргоҳида йиғилдилар ва мураббийлар штаби бошчилигида иккинчи давра ўйинларига таёргарликни бошладилар. Машғулотлар жамоанинг Қибрайдаги қароргоҳида ва "Пахтакор" марказий стадиони майдонида бўлиб ўтмоқда.

Машғулотларга “Пахтакорга” тегишли булган ва биринчи даврада бошқа жамоалар сафида ижарада тўп тепган икки футболчи келиб қўшилди. Булар БАА чемпионатида тўп сурган яримҳимоячи Ойбеқ Қиличев ва Самарқанднинг "Динамо" клубида харакат қилган ҳужумчи Фаррух Шотурсуновдир.

Режага кўра ўқув-машғулот йиғинлари доирасида “Пахтакор” 4та ўртоқлик учрашуви ўтказади. Бу учрашувлар ҳақида сайтимизда маълумот бериб ўтамиз.

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: