Превью. "Насаф" - "Шўртан"
06 мар 2016 09:30
Янгиликлар
«Насаф» (Қарши) - «Шўртан» (Ғузор)
6 март 2016. Қарши. "Марказий" стадиони. 17:00
Ҳакамлар: Ҳ. Рўзиев (Тошкент), О. Абдувосилов (Тошкент), С. Шоюсупов (Тошкент), Д. Каримов (Тошкент)
Назоратчи: А. Хотамов (Тошкент).
“Насаф” ва “Шўртан” олий лигада 20 марта тўқнаш келишган. Ушбу ўйинлардан 14тасида қаршиликлар ғолиб бўлишган. Битта ўйин дуранг ҳисобида якунланган, “Шўртан” ҳисобида 5та ғалаба мавжуд.
“Насаф” шу кунгача ўзаро ўйинларда “Шўртан” дарвозасига 45та тўп киритган, ғузорликлар эса “Насаф” дарвозасига 22та гол уришган. “Аждарлар” ўзаро ўйинларда 43 очко ишлаб олишган бўлишса, “Шўтан” 16 очкони қўлга киритган. “Насаф”нинг олий лигада бу рақиб устидан эришган энг йирик ғалабаси 5:0 ни ташкил қилади. “Шўртан”нинг йирик ғалабаси эса 3:2 бўлиб турибди.
Ўтган йил Ғузорда ташкил этилган ўйинда ҒуломҲайдар Ғуломов мезбонларни ҳисобда олдинга олиб чиққанди. Фарруҳ Сайфиев ва Илҳом Шомуродовнинг ўйин сўнггида урган голлари “аждарлар”га иродали ғалаба келтирганди – 1:2. “Насаф” ўз уйида ҳам ғалаба қозонганди. Зафар Полвонов ҳисобни очганди, бунга мезбонлар сафида Азамат Алланиёзов (2та) ва Шерзод Аъзамов жавоб беришганди – 3:1.
Қаршида бўлиб ўтган сўнгги беш учрашув:
12.09.2015 «Насаф» - «Шўртан» 3:1
14.04.2013 «Насаф» - «Шўртан» 3:0
14.09.2012 «Насаф» - «Шўртан» 2:1
15.06.2011 «Насаф» - «Шўртан» 5:0
13.03.2010 «Насаф» - «Шўртан» 0:0
Ўзаро ўйинлар ҳақида факт: “Насаф” Қаршида бўлиб ўтган ўйинларда 9 марта муваффақиятга эришган. Фақат бир бор дуранг қайд этилган. “Шўртан” Қаршидан умуман ғалаба билан қайтмаган. Охирги тўрт ўйинда “аждарлар” ўз майдонларида 4 бор зафар қучишган.
Ўхшаш янгиликлар
![AMP Logo](https://championat.asia/image/logo-amp.png)
Фикрлар