Превью. "Металлург" 2017 йилдан буён Фарғонада гол ура олмаяпти
15 мар 2024 11:30
Янгиликлар

Превью. "Металлург" 2017 йилдан буён Фарғонада гол ура олмаяпти

Суперлиганинг 3-турида Бекободнинг "Металлург" клуби Фарғонада "Нефтчи" меҳмони бўлади.

Бу икки клуб ҳозирга қадар Ўзбекистон чемпионатида 46 марта тўқнаш келишган. 26 та ўйинда фарғоналиклар зафар қучишган. 11 та баҳсда бекободликлар ғолиб бўлишган. Қолган 9 та учрашувда дуранг кузатилган. Ўзаро ўйинларда "Нефтчи" 79 та гол урган ва 41 та гол ўтказган.

Фарғонадаги сўнгги 7 та учрашувнинг фақат биттасида "Металлург" ғолиб бўлган (2017 йил). Бекобод клуби Фарғонадаги охирги 3 та учрашувда умуман гол ура олмаган.

Фарғонада ўтган охирги 5 та ўйин:
29.07.2023 "Нефтчи" – "Металлург" 1:0
22.05.2022 "Нефтчи" – "Металлург" 3:0
24.04.2018 "Нефтчи" – "Металлург" 0:0
25.06.2017 "Нефтчи" – "Металлург" 0:2
01.07.2016 "Нефтчи" – "Металлург" 1:0

"Нефтчи" дастлабки тур сафарда "Сўғдиёна" устидан 2:1 ҳисобида ғалаба қозонди, 2-турда яна Жиззахда "Динамо"ни таслим қилди - 1:0. "Металлург" илк турда "Локомотив" меҳмони бўлиб дуранг ўйнади - 2:2. Кейин ўз "уйида" "Сўғдиёна" билан муроса кўчасини танлади - 0:0.

"Нефтчи" — "Металлург"
15 март 2024 йил. Фарғона, "Истиқлол". 18:30
Бош ҳакам: Ғайрат Жўраев
Қанот ҳакамлари: Расулжон Фозилов, Максим Нехочин
Захира ҳаками: Умиджон Раҳимжонов
ВАР ҳаками: Акобирхўжа Шукуруллаев
АВАР ҳаками: Анвар Маражабов
Назоратчи: Валентин Коваленко
Комиссар: Жаҳонгир Раҳматуллаев.

ЎзФҲМ мазкур баҳсга Ғайрат Жўраевни бош ҳакам этиб тайинлади. VAR ҳаками сифатида Акобирхўжа Шукуруллаев ишлайди. Эътиборлиси 2022 йилги "Нефтчи" - "Металлург" учрашувида ҳам айнан Ғайрат Жўраев бош ҳакам бўлган эди. Ўшанда фарғоналиклар 3:0 ҳисобида ғалаба қозонишган эди. Ушбу учрашувда "Нефтчи" сафида голлардан бирини урган Сирожиддин Қўзиев бугунги кунда "Металлург" сафида ўйнамоқда.