UZ

Сўнгги янгиликлар

15:47Эрон терма жамоаси мураббийи: "Бош ҳакамнинг қарорлари фақат Эрон зарарига бўлди. Қирғизистон ҳам ҳакамдан жабр кўрганди"  4 15:19Меҳди Тареми: "Ёмон воқеалардан сабоқ олиш сизни ривожлантиради"  6 15:00U-23 Осиё Кубоги саралаш босқичи. Ўзбекистон Фаластин билан муҳим ўйинда қатнашмоқда (онлайн ҳисоб)  20 14:51Тонали Гаттузо ҳақида: "У менга айтган ҳамма нарсани қадрлайман"  0 14:23Ла Лигада август ойининг энг яхши мураббийи маълум  0 13:40"Атлетик" футболчиси антидопинг қоидасини бузгани учун 10 ойга дисквалификация қилинди  1 13:11Инфантино Эрон АҚШдаги ЖЧда қатнашишига кафолат берди  3 12:45Эшитдик-да! "Бунёдкор" "Олимпия" стадионида ўйнайди  9 12:21"Истиқлол" бош мураббийи Ашурматов ва Машариповнинг жароҳати ҳақида тўхталди  1 11:52Жанни Инфантино: "Шавкат Мирзиёевнинг футболга бўлган муҳаббати сўнгги икки йил ичида янада кучайганини кўриб хурсанд бўлдим"  4 11:25Эронлик эксперт: "Юсуфи майдондан тўғри четлатилди, Алижонов ва пенальти бўйича қарор ҳам ўринли, бироқ..."  44 10:41Испания терма жамоаси ҳужумчи бир ойга сафдан чиқди  1 10:05Луис Суарес Лига кубоги финалида рақибига тупургани учун МЛСда учта ўйинга дисквалификация қилинди  5 09:38Расман. АПЛдаги илк истеъфо содир бўлди  9 08:55Бугун U-17 терма жамоамиз Марокашга қарши майдонга тушади  5

Превью. "Днепр" - "Севилья" Янгиликлар

Превью. "Днепр" - "Севилья"

Бугун Тошкент вақти билан 23:45да Польшанинг Варшава шаҳрида "Днепр" ва "Севилья" ўртасида Европа лигаси финал учрашуви бўлиб ўтади.
Европа лигаси/УЕФА Кубогининг амалдаги соҳиби "Севилья" ушбу финалда ғалаба қозониб, ушбу мусобақани энг кўп ютган жамоага айланиши мумкин
• Хатто Мирон Маркевич "Днепр"нинг Европа лигаси финалигача етиб келганидан ҳайрон
• Унаи Эмери "Днепр" собиқ бош мураббийи Хуанде Рамос билан суҳбатшаганини маълум қилди
• Ғолиб Чемпионлар лигаси 2015/16 мавсум йўлланмасини қўлга киритади


Тахминий таркиблар:
"Днепр": Бойко; Федецкий, Дуглас, Чеберячко, Лео Матос; Канкава, Ротань, Федорчук, Матеус, Коноплянка; Калинич.
• Ўйнамайди: Мазух, Зозуля





"Севилья": Рико; Коке, Каррису, Колодзейчак, Тремулинас; Мбиа, Крыховяк; Алейкс Видаль, Банега, Витоло; Бакка.
• Ўйнамайди: Пареха (колено)



"Днепр" бош мураббийи Мирон Маркевич:


Агар кимдир мавсум бошида биз Европа лигаси финалида ўйнашмизни айтганида, бунга ишонмаган бўлар эдим. Аммо иштаха тановул пайтида келади. 1/16 финал босқичида "Олимпиакос"ни мағлуб қилганмизда, ўзимизга бўлган ишонч пайдо бўлди. Жамоанинг кайфияти қандай? Йигитлар ҳаяжонда эмас деб бўлмайди. Финалдан олдин хатто биз мураббийлар ҳам ҳаяжондамиз. Асосийси ҳаяжон майдонда йўқолса бўлгани.

"Севилья" ҳужумда яхши ўйнайди, жамоага ажойиб ижрочилар йиғилган. Бу биз учун бош оғриғи. Аммо "Днепр" ҳимояси ҳам бир нечта учрашувдан бери ишончли ҳаракат қиляпти. "Севилья"ни кимга таққосласа бўлади? Менимча, "Наполи"га, уларнинг ўйини ўхшаш.

Камина анчадан бери испан футболи мухлиси ҳисобланади. Бундай футболчилар билан ишлаш ҳар қандай мураббий учун ёқимли бўлса керак. Бизнинг жамоамизда ҳам худди шундай техник салоҳиятга эга футболчилар етарли. 

Бахтимизга финалдан олдин йўқотишлар содир бўлмади. Ҳа, Селезнёв бир қанча муддат майдонга тушмади, аммо у ҳозир барча билан ўйинга тайёрланяпти. Калинич майдонга чиқиши борасида бир қарорга келганимиз йўқ. УЕФА ғолибга келаси мавсумда Чемпионлар лигасида ўйнаш имкониятини бериб тўғри қилди. Бу "Севилья" ва "Днепр" учун яна бир мақсад.


 "Севилья" бош мураббийи Унаи Эмери:



Бор-йўғи 90 дақиқа давом этадиган бундай учрашувларда кичик деталлар ўйин тақдирини ҳал қилиши мумкин. Қаттиқ кураш бўлади, шу сабаб биз барчасига тайёр бўлишимиз шарт. "Днепр" жамоавий ўйин намойиш этади, уларнинг ҳимояси жуда кучли. Прессингда ҳам улар фаол ҳаракат қилишади, шу сабаб тўпга эгалик қилиш осон бўлмайди. Бу "Днепр" муваффақиятининг сирларидан бири.

Биз "Днепр" ўйинини жуда кўп маротаба таҳлил қилдик. Рақиб жамоа собиқ бош мураббийи Хуанде Рамос ва унинг ассистентларидан кўплаб маълумотларга эга бўлдик. Шунчаки рақибни чуқурроқ ўрганишни истадик. Уларнинг барчаси "Днепр"да ишлаган ва вазият билан таниш.

Мен фолбин эмасман, кўрамиз, эртаган нима бўлар экан. Турнир мобайнида содир бўлганларни эсга оладиган бўлсак, бу ўйин жуда қийин бўлади. Иккала жамоа ўз имкониятларидан унумли фойдаланиб финалгача етиб келди. Турнирда ўзини яққол фаворит санаган жамоалар ҳам бўлди, аммо улар финалда иштирок этмайди. Буни ёдда тутиш керак.


Сўнгги учрашувлар:
"Днепр" - "Шахтёр" 3:2 (Матеус 22, Безус 64, Лучкевич 81; Алекс Тейшейра 7, 27) 
"Малага" - "Севилья" 2:3 (Герра 67, 90+2; Рейес 52, Банега 55, Алейкс Видаль 62)


"Севилья"нинг финалгача босиб ўтган йўли (видео)

TAS-IX


TAS-IX эмас



"Днепр"нинг финалгача босиб ўтган йўли (видео)

TAS-IX


TAS-IX эмас


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика