Превью. "Бунёдкор" - "Андижон"

«Бунёдкор» (Тошкент) – «Андижон» (Андижон)
20 июнь 2016. Тошкент. "Бунёдкор" стадиони. 19:00
Ҳакамлар: Н. Қосимов (Қарши), А. Снетков (Тошкент вил.), А. Калинин (Қарши), Р. Лутфулин (Тошкент)
Назоратчи: А. Арутюнов (Тошкент).
ЎзПФЛ вакили: Ф. Магаметов.

Бу икки клуб ўзаро 16 бор куч синашишган. Натижалар “Бунёдкор”нинг катта устунлигини кўрсатмоқда. “Қалдирғочлар” 13та ўйинда ғолиблик нашидасини суришган. 3та ўйин дуранг билан якунланган. “Андижон” ўз тарихида бу рақибни умуман енга олмаган. Тўп киритиш борасида ҳам устунлик ўз-ўзидан “Бунёдкор” томонида – 30:6. Ўзаро ўйнларда “Бунёдкор” 42 очкони қўлга киритган. “Андижон” эса ҳозиргача 3 очко ишлаб олган.

“Бунёдкор”нинг “Андижон” устидан қозонган энг йирик ғалабаси – 4:0. “Андижон” ҳисобида ғалаба йўқлигни айтиб ўтдик.

Ўтган йил биринчи даврада Андижонда ўтган ўйинда “Бунёдкор” ғалаба қозонган. Сато Минори биринчи бўлимда, Достонбек Ҳамдамов иккинчи бўлимда “бургутлар” дарвозасига тўп киритиб “қалдирғочлар”га ғалаба келтирган – 2:0. Тошкентда Достонбек Ҳамдамовнинг иккита голи, Воҳид Шодиев ва Сато Минорининг голлари “Бунёдкор”нинг йирик ғалабасини таъминлаганди – 4:0.  

Тошкентда ўтган сўнгги беш учрашув:
31.10.2015 «Бунёдкор» - «Андижон» 4:0
14.06.2014 «Бунёдкор» - «Андижон» 2:0
04.08.2012 «Бунёдкор» - «Андижон» 0:0
25.04.2011 «Бунёдкор» - «Андижон» 3:1
22.05.2010 «Бунёдкор» - «Андижон» 1:0

Ўзаро ўйинлар ҳақида факт: “Бунёдкор” Тошкентда ўтган ўйинларда 7 марта ғалабага эришган. “Бургутлар” бу рақиб майдонидан фақат бир бор (2012 йил) дуранг билан қайтган. “Андижон” сафарда “Бунёдкор” дарвозасига битта гол урган.