Почеттино: "Месси билан бир жамоада ўйнашимиз мумкин эди"
02 окт 2018 11:15
Янгиликлар

Почеттино: "Месси билан бир жамоада ўйнашимиз мумкин эди"

Теглар : Лионель Месси Маурисио Почеттино

"Тоттенхэм" бош мураббийи Маурисио Почеттино "Барселона"га қарши бўладиган Чемпионлар лигасининг 2-тур учрашувидан олдин, ўз вақтида Каталония клуби етакчиси Лионель Месси билан бир жамоада ўйнаши мумкинлиги ҳақида айтди.

"Эспаньол"да ўйнаган пайтларим "Барселона" академиясидаги Месси исмли бўйи паст йигитча ҳақида эшитгандим. У "Эспаньол"га ўтиши мумкинлиги ҳақида миш-мишлар бор эди. Ўша мавсумда "Барселона" Жоан Гампер Кубоги учун Фабио Капелло қўл остидаги "Ювентус"га қарши баҳс ўтказган. Месси ажойиб ўйин кўрсатган ва учрашувдан сўнг Капелло уни мақтаган эди. Шундан сўнг "Барселона" қарорини ўзгартириб, Мессини сақлаб қолди.

Агар ўша баҳсда Месси майдонга тушмаганида, у бугун "Эспаньол"да бунданда машҳурроқ юлдузга айланарди, "Эспаньол" эса "Барселона"дек бўларди. Биз бир жамоада ўйнашимиз, кейинроқ эса мен "Эспаньол" устозига айланишим мумкин эди" - дейди Почеттино.

Ҳавола :

Манба : FourFourTwo

Янгиликларни Телеграмда ўқинг!

Рейтинг: +15