Питер Одемвингие 2019 йил "Бунёдкор"га ўтиши мумкин эди

- Биз музокаралар олиб бордик. Питер бу ерга қишда келди ва ўтишга тайёр эди. Аммо, ўшанда "Бунёдкор" раҳбарияти ва бош мураббийини тушунмадим. Ҳалигача нега уларнинг фикрларидан қайтганларини тушунмайман. Биз ҳаммасини келишгандик, аммо мен бир хатога йўл қўйдим – ҳеч қандай ҳужжатга қўл қўймадим. Расмий сўров, таклиф бериш мумкин эди. "Бунёдкор" раҳбариятининг сўзларига ишондим ва улар барчасини орқага тортишди.

Одемвингие хафа бўлмади. У ушбу трансферни амалга ошира олмаганимиз учун бизга хавотирланди. Бу биз учун биринчи битим бўларди. У Тошкентга келганидан мамнун эди.

"Бунёдкор" ўшанда бунинг қанчалар фойдали бўлишини тушунмади. Питер яхши формада эди ва ёзгача шу ерда ўйнамоқчи эди. У фаолиятини ўз ватанида жуда чиройли якунламоқчи эди. Одемвингие ўшанда Британия телеканалларидан бирида эксперт бўлиб ишларди ва уларга шартномани имзолаш пайтида Ўзбекистонга чақиришини айтганди. Ярим йилдан сўнг фаолиятини якунлашни ва хайрлашув учрашувига АПЛдаги дўстлари – Руни, Феллаини ва кўплаб бошқа ўйинчиларни таклиф қилмоқчи эди.

Бу яна бир клубларимизда маркетинг бўйича мутахассисларнинг йўқлигини тасдиқлайди. "Бунёдкор" ўшанда бу қанчалик чиройли воқеа бўлишини тушунмаганди.

Рауль Абдураҳмонов билан "Финт Тураева" подкастининг (рус тилида) тўлиқ версияси: