Маълумотларга кўра, "Реал" президенти Флорентино Перес икки турнирдаги муваффақият учун футболчиларга 50 млн. евро ваъда қилди. "Қироллик клуби" раҳбари жамоа сардори Серхио Рамос ва ҳимоячи Марсело билан учрашиб, бу икки ғалабанинг муҳимлиги ҳақида суҳбатлашди.
Агар жамоа муваффақиятга эришса, клубнинг 24 футболчиси ва бош мураббий Зинедин Зидан 2 млн. евродан мукофот пули олишади. Яна 3 млн. евро "Қироллик клуби" ходимларига бўлиб берилади.
"Реал" жорий мавсумда Чемпионлар лигасидан 39,7 млн. евро ишлаб олди. Агар улар финалда ҳам ғалаба қозонишса, яна 15 млн. евро "Реал" ҳисобига ўтказилади.