"Пахтакор" - "Металлург" ўйинида автомобиль ютиб олинг!

6 июнь, жума куни олий лигада 11-тур учрашувлари бўлиб ўтади. "Пахтакор" ўша куни Бекободнинг "Металлург" жамоаси билан Тошкентда майдонга тушади. "Пахтакор" футбол клуби одатдагидек ўйинга ташриф буюрадиган мухлислар учун ажойиб совға ҳозирлаган.

"Пахтакор" - "Металлург" баҳсига ташриф буюриб, "Соғлом бола йили"га бағишланган "Омадли мухлис" ижтимоий акциясида иштирок этиш ва асосий эсдалик совға сифатида автомобиль ютиб олиш имкониятига эга бўласиз. Шунингдек, бошқа эсдалик совғалари ютуқ сифатида топширилади. Чипталарни харид қилиш билан "Омадли мухлис" ижтимоий акцияси иштирокчисига айланасиз. Чипталарни "Пахтакор" Марказий стадиони кассаларидан харид қиласиз. Чипта нархи 5000 сўм.

"Пахтакор" - "Металлург" учрашуви 6 июнь, жума куни "Пахтакор" Марказий стадионида соат 19:30да бошланади. Мухлисларни стадионга чорлаб қоламиз. "Пахтакор"ни қўллаб-қувватланг ва совғалар ютиб олинг!