"Пахтакор" - "Ал Айн" учрашувининг энг яхши футболчиси - Муҳаммад Абдулраҳмон

"Ал Айн" сафида 16-рақам остида ҳаракат қилган Муҳаммад Абдулраҳмон учрашувнинг энг яхши футболчиси деб топилди.

Умар Абдулраҳмоннинг укаси бўлмиш ушбу футболчи ўйиндан кейинги матбуот анжуманида иштирок этди ва беллашув ҳақидаги ўз фикрлари билан ўртоқлашди.

Муҳаммад Абдулраҳмон: "Уч очкони қўлга киритганимиздан мамнунман ва яратганга шукрона келтираман. Биз бугунги ўйинда қўлимиздан келган барча ишни амалга ошириб керакли натижага эришдик. Асосийси меҳмондан уч очко билан қайтмоқдамиз. Ўйин жуда қийин бўлди. Ғалаба билан ўз навбатида мухлисларимизни табриклаб қоламан. "Пахтакор"га бугун бироз омад етишмади деб ўйлайман".

- Бугун ғалаба қозонаётиб ўйин вақтини чўзишга уринмадинглар. Бу учун раҳмат айтамиз.
- Биз ўйин вақтини чўзишга қаршимиз. "Пахтакор" ҳам бизга қарши муносиб ўйнади ва биз ҳам ўз навбатида ҳалол футбол кўрсатишга интилдик.