UZ

Сўнгги янгиликлар

02:07Месси “гол+пас” тизими бўйича 500 очко жамғарди  1 01:48Италия чемпионати. “Наполи” – “Интер” учрашувида ҳисоб очилмади  1 01:41Испания чемпионати. "Барселона" ишончли ғалабага эришди ва пешқадамликни мустаҳкамлади+ФОТО  8 01:38Франция чемпионати. “Нант” “Генгам”ни мағлуб этди ва учинчи поғонага кўтарилди ва бошқа натижалар  1 00:45Англия чемпионати. “Саутгемптон” 85-дақиқада дурангни ғалабага айлантирди  1 23:54Германия чемпионати. “Бавария” “Боруссия” га етиб олди  9 23:38Испания чемпионати. “Спартак”дан бешта гол ўтказган “Севилья” бу сафар ҳам тўрт тўп фарқи билан мағлуб бўлди  11 23:27Россия чемпионати. “Спартак” ўз майдонида “Амкар” билан муросага келди  0 23:11Италия чемпионати. “Сампдория” йирик ғалабага эришди  0 22:56Хосеп Гвардиола: “Ғалаба қозонишда давом этаётганимиздан хурсандман”  5 22:29Франция чемпионати. Кейта ва Фалькаонинг голлари «Монако»га ғалаба келтирди  2 22:22Спортчилар ижтимоий тармоқларда  6 22:05Жозе Моуриньо: "Ғалабани кўпроқ истаган жамоа ғолиб бўлди"  30 21:57Антонио Контенинг 4:2 ҳисобидаги ғалабадан кейинги фикрлари қандай бўлди?  9 21:36Агуэро «Ман Сити» тарихидаги энг яхши тўпурарга етиб олди   13

“Пахтакор” – 2002 йил Осиёнинг энг яхши клуби. Улар ҳозир қаерда? Янгиликлар

“Пахтакор” – 2002 йил Осиёнинг энг яхши клуби. Улар ҳозир қаерда?

2002 йил Осиё футбол Конфедерацияси Ўзбекистонинг “Пахтакор” жамоасини қитъанинг энг яхши клуби деб эътироф этган эди. Ушбу воқеага ҳам бир зумда 15 йил тўлди.

Биз ўқувчиларимизга ўша “Пахтакор” сафида ўйнаган асосий футболчилар ҳақида маълумот беришга қарор қилдик.

Кўпчиликка ОФК нима учун айнан ўзбек клубини энг яхши деб топгани қизиқ бўлиши мумкин. Ўша йил Осиё футболи раҳбарлари “Осиё чемпионлар кубоги”ни “Осиё чемпионлар лигаси” деб ўзгартиришди ва мусобақа янги форматда ўтказила бошланди. Ўзбекистон вице-чемпиони сифатида турнирга плей-оффдан қўшилган “шерлар” Иорданиянинг “Ал Виҳдат” (3:0, 1:3), Қатарнинг “Ал Иттиҳод” (3:4, 3:0) ва БААнинг “Ал Аҳли” (3:2, 1:0) клублари тўсиғидан муваффақиятли ўта олишди. Гуруҳ босқич ўйинлари эса 2003 йил баҳорида ўтказиш режалаштирилганди. ОФК саралаш баҳсларида ажойиб ўйинлар намойиш этгани учун “Пахтакор”ни қитъанинг энг яхши клуби деб тан олганди.

Тошкент клуби ўша йил Виктор Жалилов бошчилигида Ўзбекистон олий лигасида 74 очко билан чемпион бўлганди. 9 август куни бўлиб ўтган Ўзбекистон кубоги финалида Фарғонанинг “Нефтчи” клубига қарши шиддатли баҳс 6:3 ҳисобида “шерлар” фойдасига ҳал бўлганди.


 
Игнатий Нестеров – Ўша йил жамоага келган ёш посбон тез орада асосий дарвозабонга айланиб олганди. Нестеров “Пахтакор”нинг бир неча йил давомида Ўзбекистонда ва Осиёда гегемонлик қилишига салмоқли хиссасини қўша олган. Дарвозабон “шерлар” сафида қўлга киритиш мумкин бўлган деярли барча совринларни қўлга киритгач бир неча йил давомида “Бунёдкор”да ўйнади. Айни пайтда эса у Тошкентнинг бошқа бир клуби “Локомотив” шарафини ҳимоя қилмоқда. Нестеров Ўзбекистон терма жамоасида ҳам 100га яқин ўйин ўтказганини ҳам таъкидлаш лозим. 



Гочгули Гочгулиев – Туркманистонлик ҳимоячини мустақиллик даврида “Пахтакор”нинг энг яхши легионерларидан бири деб бемалол айта оламиз. Ҳимоячи бўлишига қарамай рақиб дарвозасига гол уришда унча бунча ҳужумчига дарс берган. Гочгулиев 2002 йил олий лигада 26та учрашув ўтказиб 14та гол уриб клуб тўпурари бўла олганди. Ҳимоячи 2002-2005 йилларда "Пахтакор" шарафини ҳимоя қилган. 2007-2010 йилларда Тошкентнинг "Бунёдкор" жамоасида ўйнаган. Гочгулиев 2014 йилдан буён "Олтин Аср" клубида катта мураббий лавозимида ишлаб келмоқда. Ҳимоячи Ўзбекистондаги фаолияти давомида 7 карра Ўзбекистон чемпиони, 6 карра Ўзбекистон кубоги соҳиби бўлган. 3 марта ОЧЛ ярим финалига қадар етиб борган. 2002 йилда Ўзбекистоннинг энг яхши футболчиси сўровномасида Александр Гейнрихдан кейинги иккинчи ўринни банд этган.



Бахтиёр Ашурматов – Ўша мавсум ҳимоя марказида Гочгулиев билан тандем ҳосил қилган Ашурматов жамоа ғалабаларига ўз хиссасини қўша олган. У “Пахтакор”дан сўнг маълум муддат Россиянинг “Спартак Алания”, “Торпедо Металлург” ҳамда “Крилья Советов” клублари шарафини ҳимоя қилган. 2007 йил олий лигага катта мақсадлар билан чиққан “Қурувчи” (ҳозирги “Бунёдкор”) тажрибали ҳимоячини Ўзбекистонга қайтарганди. Икки йил давомида “қалдирғочлар” сафида ўйнаган Ашурматов футболчилик фаолиятининг сўнгги йилларини “Хоразм” ва “Локомотив”да ўтказган эди. 2012 йилдан мураббийлик фаолиятини бошлаган Бахтиёр Аъзамович дастлаб “Гулистон” сўнгра “Навбаҳор” ва “Андижон” клубларида бош мураббий сифатида ишлади. Бир муддат Ўзбекистон олимпия терма жамоасини ҳам бошқарди. Ҳозирги кунда “Бухоро” клубида Улуғбек Бақоев билан бирга фаолият олиб бормоқда.



Виталий Жалилов – Виктор Жалиловнинг ўғли қанот ҳимоясида жуда фаол ўйнарди. Керак пайтда ҳужумга ҳам қўшилиб тура оладиган ҳимоячи бир неча бор шериклари гол уришига замин яратиб берганди. 2003 йилда “Пахтакор”дан кетган Жалилов фаолиятини “Навбаҳор”, “Машъал” ва “Қизилқум” клубларида давом эттирди. 2007 йил бутсаларини михга илган Виталий айни пайтда Ўзбекистон терма жамоасида маъмур сифатида фаолият олиб бормоқда.

Қайрат Ўтабоев – Ўзбекистонда туғилган қозоғистонлик футболчи 2000-2003 йилларда “Пахтакор” шарфини ҳимоя қилганди. Қанот ҳимоясида ўйнаган Қайрат рақиб ҳужумчилари учун ҳақиқий бош оғриғига айланарди. “Шерлар” сафини тарк этгач футболчи Қозоғистонинг бир қатор клубларида ўйнади. Орада 2009 йил “Андижон”да ўйнаган Ўтабоев футболчилик 2012 йилда фаолиятини тугатганди. Эътиборлиси Қайрат 2002 йил Ўзбекистон терма жамоасида майдонга тушган, 2005-2007 йилларда эса Қозоғистон терма жамоасида ўйнаганди.

Владислав Кирьян -  Ўнг қанот ҳимоя ва ярим ҳимоясида ўйнаган футболчи ўша йил олий лигада 20та ўйин ўтказиб 3 бор рақиб дарвозасига тўп киритганди. Жуда тезкор ўйинчи ҳужумчиларга қанотдан тўп узатишларни маъромига етказарди. 2009 йилда Кирьян Наманганинг “Навбаҳор” клубига кўчиб ўтди. 2010 йил йил иккинчи даврасида Тошкентнинг “Локомотив” клубида кўриниш берган футболчи бутсаларини михга илишга қарор қилди. Айни пайтда Россиянинг Белгород вилоятида яшаб бизнес билан шуғулланмоқда.

Анвар Ғофуров – фаолиятининг илк даврларини “Пахтакор”да бошлаган Ғофуров ҳозирга қадар футбол ўйнамоқда. “Шерлар” сафини 2003 йил тарк этган футболчи кейинроқ “Навбаҳор”, “Динамо”, “Машъал” ва “Бунёдкор” клубларида ўйнади.  Ўтган йил Тошкентнинг “Обод” клубига ўтган Ғофуров ҳозирга қадар шу жамоада ўйнаб келмоқда.



Сервер Жепаров – Ўша “Пахтакор”нинг асосий ўйинчиларидан бири бўлган Жепаров плеймейкер сифатида ҳужумларни бошлаш ва ҳужумчиларга пас оширишни ўз бўйнига олганди. Бундан ташқари Сервер кўплаб голлар ҳам уришга муваффақ бўлганди. 2007 йилга қадар “шерлар” сафида бир неча бор Ўзбекистон чемпиони ва Ўзбекистон кубогини қўлга киритган ярим ҳимоячи 2008 йил “Бунёдкор”га ўтганди. Осиёда икки марта йилнинг энг яхши футболчиси деб тан олинган Жепаров Саудия Арабистони, Жанубий Корея клубларида фаолият олиб бориб, ўтган йил “Локомотив”да ўйнади. Бу йил бошида эса Эронинг “Истиқлол” клуби билан бир ярим йиллик шартнома тузди ва “Сепахон”га ижарага берилди.



Леонид Кошелев – Чап оёғидаги зарба рақиб дарвозабонларини тушларига кириб чиқарди. Жарима тўпларидан урган голлари “Пахтакор”нинг бир қатор муҳим ғалабаларига замин яратган. Кошелев “шерлар” сафини 2007 йилда бир қатор совринлар билан тарк этган. Ундан кейин “Динамо”, “Қизилқум”, “Шўртан” ва “Навбаҳор” каби клубларда ўйнаган. 2013 йил футболчилик фаолиятини тугатган Кошелев айни пайтда “Пахтакор” академиясида ёш болакайларга футбол сир асрорларини ўргатиб келмоқда.

Тимур Кападзе – Бугунги кунга қадар футбол ўйнаётган кам сонли ўйинчилардан яна бири. Кападзе ўша таркибда универсал футболчи эди. “Нефтчи”да ҳужумда ўйнаган футболчи “Пахтакор”да ярим ҳимояда ўйнади. Ўша йил олий лигада 20та учрашув ўтказиб 4та гол уришга эришган Кападзе ҳам Жепаров каби 2008 йилда “Бунёдкор”га кўчиб ўтганди. Бундан ташқари Жанубий Корея ва БАА чемпионатларида ўйнаган ярим ҳимоячи бугунги кунда “Локомотив” шарафини ҳимоя қилмоқда.

Миржалол Қосимов – Ўзбекистонинг энг кучли футболчиларидан бири бўлган Миржалол Қўшоқович ўша мавсум жароҳатлар туфайли бир қатор ўйинларда жамоасига ёрдам бера олмаганди. Аммо майдонга тушган баҳсларнинг ҳеч бирида рақибларга осон бўлмасди. Жарима тўпларидан заргарона голлар уришнинг ҳадисини олган Қосимов майдонни кўриш ва чиройли тўп узатишда ҳам шеркиларидан анчайин олдинда эди. Қосимов 2003-2004 йилларда Россиянинг “Алания” клубида 2005 йилда Муборакнинг “Машъал” клубида ўйнаб фаолиятини якунлашга қарор қилганди. Қосимов бутсаларини михга илиб тезда мураббийлик фаолиятини бошлаб юборганди. Ўзбекистон олимпия терма жамоасида ёрдамчи мураббий бўлган Миржалол Қўшоқович "Қурувчи" (ҳозирги "Бунёдкор") бош мураббийи сифатида икки йил ишлади. Кейин Ўзбекистон терма жамоаси бош мураббийи сифатида ҳам салмоқли фаолият олиб борди.

Александр Гейнрих – 18 ёшли ҳужумчи “Пахтакор”даги илк мавсумидаёқ ажойиб ўйинлар намойиш этиб берганди. Йил якунида Ўзбекистонинг энг яхши футболчиси деб топилгани ҳам сўзимизга исбот бўла олади. Олий лигада 22та ўйинда майдонга тушган ва 9 бор рақиблар дарвозасини ишғол қилган Саша фаолиятининг кейнги йилини Россиянинг ЦСКА клубида ўтказиб хатога йўл қўйганди. Ёш футболчимиз кучли рақобатда ютқазиб қўйган ва асосий таркибда деярли майдонга тушмаганди. Кейин "Пахтакор"га қайтиб ўз формасини тиклаб олгач яна Россияга, бу сафар Москванинг "Торпедо" клубига ўтганди. 2007-2011 йилларда "Пахтакор"да ўйнаган Гейнрих Қатардаги Осиё Кубогидан сўнг Жанубий Кореянинг "Сувон Самсунг" клубидан тушган таклифни қабул қилганди. Сўнгра БААда "Эмирейтс", Қозоғистонда "Актобе" клубларида ўйнаган ҳужумчи 2014 йилни "Локомотив"да ўтказди. Саша 2015 йилдан буён Қозоғистонинг "Ордабаси" жамоаси шарафини ҳимоя қилиб келмоқда..

Зайниддин Тожиев – Ҳужумчи ўша йил олий лигада 16та учрашувда майдонга тушиб 3та гол урган. ОЧЛ плей-офф босқичида эса Тожиевларнинг тўнғичи “Ал Виҳдат”, “Ал Иттиҳод” ва “Ал Аҳли” билан ўйинларда жами 4та гол уришга муваффақ бўлганди. Унинг дриблинги рақиб ҳимоячиларини шошириб қўярди. 2010 йилга қадар “Пахтакор”да ўйнаган ҳужумчи фаолиятини олий лиганинг бир қатор клубларида давом эттирди. 2015 йилда “Бухоро” сафида бир давра ўйнаб бутсаларини михга илишга қарор қилган Тожиев айни пайтда “JFL Tashkent” клубида болалар футболи мураббийи бўлиб ишламоқда.

Анвар Солиев – “Сеҳрли таёқча” деб ном қозонган ҳужумчи “Пахтакор”да ўша мавсум кўпинча қанотда ўйнарди ва муҳим голларни урарди. Солиев 2008 йилда “Бунёдкор”ни танлаганди ва 2012 йилга қадар шу жамоада ўйнади. Фақат орада бир йил “Насаф”да ижарада ўйнаб қайтганди. 2013-2015 йилларда яна “шерлар” сафида ўйнаган ҳужумчи ўтган мавсум биринчи даврадан сўнг футболчиликни тугатишга қарор қилди. Бугунги кунда Наманганинг “Навбаҳор” клубида спорт директори лавозимида фаолият олиб бормоқда.



Неъматулла Қуттибоев – Қорақалпоғистонлик ҳужумчи ўша йил олий лигада 25та учрашувда майдонга тушиб 9та гол уришга муваффақ бўлганди. Қуттибоев ҳужумда кўпчинча Гейнрих билан тандем ҳосил қиларди. “Пахтакор”дан сўнг ҳужумчи “Қизилқум” ва “Хоразм” сафида ўйнади. Бир неча йил давомида “Орол” клуби бош мураббийи лавозимида фаолият олиб борди. Бугунги кунда Қуттибоев Нукус олимпия захиралари коллежида ёш футболчиларга сабоқ бермоқда.

Марат Бикмаев – Ўша таркибнинг энг ёш вакилларидан бири. Бикмаев ўша йил 16 ёшида олий лигада 7та учрашувда майдонга  тушиб 1та гол уришга ҳам эришганди. Бикмаев "Пахтакор"дан кейин асосан Россия клубларида ўйнади. "Крилья Советов", "Рубин", "Спартак Нальчик" ва "Алания"да фаолият олиб борган Марат Қозоғистонда "Актобе"да икки мавсум ўйнади. 2014 йилда Ўзбекистонга қайтиб "Локомотив" билан шартнома тузди. Бугунга келиб жамоанинг асосий ҳужумчисига айланиб олди.

Бош мураббий
Виктор Жалилов
- "Пахтакор"нинг ўша йиллардаги ғалабаларининг асосчиси Виктор Жалилов бўлганди. Бош мураббий жамоани Ўзбекистон чемпиони ва Ўзбекистон кубоги соҳибига айлантирганди. Шу сабабли ҳам 2002 йил айнан Виктор Романович мамлакатимизнинг энг яхши мураббийи деб эътироф этилганди. "Пахтакор"дан кейин Жалилов "Машъал", "Навбаҳор" ва "Динамо" клубларида ишлади. Айни пайтда Ўзбекистон терма жамоаси мураббийлар штабида фаолият олиб бормоқда.


Нарзулла Сайдуллаев

Рейтинг: +43   

Фикрлар

+11   
21 апр 11:43:43
Like
"O'shal damlar òshal damlar" shunday shonli paxtakorni kimlardur xor qildiya ishonamiz òsha biz xavas qilgan "PAXTAKOR" yana qaytadi
+8   
21 апр 13:17:22
Bayern the best
Мана бу чиройли макола бупти. Кези келганда тан хам олиш керак
+7   
21 апр 12:00:49
NEFTCHI_FERGANA
Айни пайтда турнир жадвалининг ўрта поғоналаридан бирида бораётган “Нефтчи” учун 9 ноябрь санаси ўзгача аҳамият касб этади.
Айнан шу куни фарғоналиклар бешинчи бор Ўзбекистон чемпиони деган номни қўлга киритишганди. Эртага шу санага роса 15 йил тўлади. Шу сабабли ўша чемпионлик мавсуми ҳақида турли маълумотларни ёдингизга солиб ўтишга қарор қилдик.
2001 йил 9 ноябрь. Ўша куни “Нефтчи” аслида 20 июнь куни ўтказилиши лозим бўлган 17-турнинг қолдирилган учрашувида Тошкент вилоятининг “Дўстлик” жамоасини қабул қилди. Ғалаба Юрий Саркисян бошчилик қилаётган жамоанинг тарихда 5-бўлиб олтин медалларга эга чиқишини англатарди. Буни яхши англаган “Нефтчи” дастлабки дақиқалардан олдинга ташланди. Стадионни тўлдириб ўтирган ишқибозлар Умид Исоқов ва Мансур Саидов меҳмонлар дарвозасини ишғол қилганда ажойиб хурсандчилик билан голларни нишонлашганди. Айниқса, ўйиннинг охирги дақиқаларида яқинлашиб келаётган чемпионликни нишонлаш эсда қоларли бўлган. Охир-оқибат учрашув 2:0 ҳисобида фарғоналиклар муваффақияти билан тугади. Стадион эса том маънода “портлади”. Ғалаба, чемпионлик шаҳар кўчаларида байрам қилинганди.

Шундан бери орадан 15 йил вақт ўтди. Ўшандан буён фарғоналик ишқибозлар севимли жамоаларининг чемпионлигига бошқа гувоҳ бўлишгани йўқ. Ўша мавсум, чемпионликни келтирган учрашувни мухлислар ҳалигача мароқ билан эслашади. “Нефтчи”нинг уй ўйинларига ўша пайтларда ишқибозлар ташрифи ўйинга 3-4 соат қолгандаёқ бошланиб кетарди. Фарғона шаҳри кўчаларида ҳақиқий футбол муҳити юзага келарди. Марказий учрашувлар учун чипталар бир неча кун қолгандаёқ сотилиб кетарди. Ўшандай баҳсларни стадиондан томоша қилишнинг ўзи қийин саналарди. Аутсайдерлар келганда ҳам камида 8-10 минг атрофида мухлисларни кўриш мумкин бўларди. Ҳозир эса кўп нарсалар ўзгариб кетган. Чемпионат етакчиларига қарши учрашувларда ҳам стадионнинг тўртдан бири тўлмаяпти.
Шу ўринда Фарғона футболи тарихи ҳақида қисқача маълумот бериб ўтсак. 1912 йил Фарғонада ОСФ жамоаси ташкил этилган. Кейинроқ Қўқонда ҳам шундай жамоа фаолиятини бошлаган. ОСФ эса 1915 йил Туркистоннинг биринчи чемпионига айланган. Футбол ўйнашни Фарғона педагогик институти талабалари давом эттиришган. 1954 йил айнан улар “Буревестник” жамоасини ташкил қилишган. 1960 йилдан бу жамоага СССР чемпионати “Б” классида иштирок этиш имкони берилган. “Спартак” номи остида жамоа икки мавсум мусобақаларда қатнашган. 1962 йилдан “Нефтяник”нинг ўзи турнирда қатнашишга киришган. Ҳозирги қиёсга кўра иккинчи лигада узоқ муддат иштирок этган жамоа 1990 йил мавсумни муваффақиятли тамомлаб, биринчи лигага йўлланма олган. Клуб илк мавсумнинг ўзида 7-поғонадан ўрин олишни уддалаган. 1992 йилдан олий лигада қатнашишни бошлаган “Нефтчи” кетма-кет 4 марта Ўзбекистон чемпионига айланган. Кейин “Навбаҳор”, МҲСК, “Пахтакор” ва икки бор “Дўстлик” олтин медалга эга чиққан. Бу йилларда фарғоналиклар кумуш медални қўлга киритишган. Ниҳоят, 2001 йил Юрий Саркисян ва “Нефтчи” биргаликда 5-олтин медалларни тантана қилишганди.
Ўша йилги мавсумни бошидан эслаб ўтсак. “Нефтчи” мавсумга тайёргарлик чоғида ЎФФ Кубогида иштирок этганди. Бу мусобақа “Пахтакор” жамоаси хотира турнири ўрнига ташкил этилганди. Фарғона водийсида жамоалар икки гуруҳга бўлинган ҳолда қатнашишган. Унда “Нефтчи” икки таркиби билан иштирок этган. Биринчи гуруҳда фарғоналиклар қуйидаги натижаларни қайд этишган:
“Нефтчи” – “Цементчи” – 3:1
“Нефтчи” – “Риштон” – 2:1
“Нефтчи” – “Шаҳрихон” – 2:1
“Нефтчи” – “Косонсой” – 5:1
Финалда эса нариги гуруҳ ғолиби “Навбаҳор” билан тўқнаш келинган. Асосий вақтда Радкевич киритган тўпга наманганликлар жавоб қайтаришган. Пенальтилар сериясида “Навбаҳор” 4:2 ҳисобида ғалаба қозонган.
Қишки тайёргарлик жараёнида 5 назорат ўйини ўтказилган.
“Нефтчи” – “Есиль” – 1:0 (Исоқов)
“Нефтчи” – “Шахтёр” Қарағанда – 1:0 (Назариков)
“Нефтчи” – “Металлург” Новокузнецк – 3:0 (Тоиров, Р.Дўрмонов 2)
“Нефтчи” – “Андижон” – 3:0 (Холматов, Ни, Князев)
“Нефтчи” – “Шаҳрихон” – 2:0 (Райимжонов, Қўзибоев)

Шу тариқа мавсумга пухта ҳозирлик кўрилган. Мавсумни барқарор ўтказган “Нефтчи” чемпионат тугашига уч тур қолгандаёқ чемпионликни расмийлаштирган. “Дўстлик” билан учрашувда ўша мавсумдаги ўйинлари билан кўпчиликнинг эътиборини тортган Мансур Саидов кўпчиликнинг эътиборига тушганди. Ўша мавсумда чемпионликка ҳисса қўшганлар билан таништириб ўтамиз.
Абдумажид Тоиров ўнг қанотдан уюштирган рейдлари билан рақибларга муаммо туғдирганди. Сурхондарё футболчи тарбияланувчиси саналган Тоиров укаси Мақсуд билан бир неча йил “Нефтчи” шарафини ҳимоя қилган. Чемпионлик мавсумида Абдумажид 4 голга муаллифлик ҳам қилган. Ҳозир у “Бунёдкор” тизимида фаолият юритмоқда.
Холматов эса ҳамон футбол ўйнашда давом этяпти. Акмал “Нефтчи” аъзоси ва у жамоанинг анъана, қадриятларини белгилаб берувчи, уни ўзида акс эттирган кам сонли футболчилардан бири. Шундай руҳда тўп тепадиган ўйинчилар ҳозирги жамоага етишмаяпти.
Умид Исоқов айни пайтда тадбиркорлик билан банд. Ўз пайтида у каби ҳужумчилар олий лигада саноқли бўлган. Умид жамоадошлари вазият яратишини кутиб ўтирмасдан ўзи рақиб ҳимоясини ёриб ўтарди. Бир неча футболчини ортда қолдиришни осонгина уддаларди. Ўша мавсумда 32 учрашувда 28 гол урганининг ўзи барчасини кўрсатиб турибди. Бундай турдаги ҳужумчилар олий лигамизда қолмаган.
“Пахтакор” академиясида 2001 йил таваллуд топган ёшларга устозлик қилаётган Станислав Кудряшов ҳар бир ҳолатда охиригача курашиб, мураббийлар берган кўрсатма асосида жуда яхши ҳаракат қилганини эслаймиз. 2001 йил у 32 беллашувда майдонга туширилган.
Сергей Ни ҳужумларни ташкил қилиш йўналишини белгилаб берарди. Жамоадошларини қулай тўп оширишлари билан вазиятларга чиқарарди. Стандарт ҳолатлардан унумли фойдаланишга уринарди. Жуда ақлли футболчи сифатида таассурот қолдирган. Фаолиятини якунлагач, бир қатор клубларда мураббийлик қилди. Ўша йили 15 гол урган.
Владимир Радкевич ҳимоядаги ажойиб ўйинлари билан кўпчиликнинг ёдида қолган. Ҳамиша курашларга тайёр сифатида гавдаланарди. Узоқ масофага яхши тўп оширишларини ишқибозлар таъкидлаб туришади. Россияда “Ротор”, “Урал”, “СКА-Энергия” клубларида ўйнаган Радкевич бугунги кунда Пензанинг “Ротор” клубида мураббийлик қилаётгани ҳақида маълумотлар бор.

Анвар Бердиев хусусида ҳам шундай дейиш мумкин. У жарима майдони ичида энг хавфли ҳужумчилардан бири саналарди. Қанотдан оширилган тўпларга рақибни ортда қолдириб улгуришнинг ҳадисини олганди. Ўша йили 14 тўп киритган. Ҳозир “Андижон”да ўйнамоқда. Олий лигада гол уриш бўйича мутлоқ рекордчи ҳисобланади. 2003 йилги оғир жароҳатдан кейин ҳам фаолиятини давом эттиргани, 38 ёшида олий лигада гол уришда давом этаётгани таҳсинга лойиқ.
Ўша мавсум асосий дарвозабон вазифасини бажарган Георгий Забиров фарғоналик мухлислар ёдида яхши хотиралар билан қолган. Гоша жамоа олдинда бораётган пайтда тўпни ўйинга киритишда ўта айёр ҳаракат қиларди. Ўша йили 31 учрашувда дарвозасидан 24 тўп ўтказиб юборган. Ишончли ўйинлари билан ажралиб турарди. Россияда қуйи дивизион клубларидан бири тизимида ишлаб келаётгани ҳақида газетамизга берган интервьюсида таъкидлаб ўтганди.
Рустам Дўрмонов чемпионлик мавсумида 26 беллашувда 7 тўп киритган. Ўз даврида юртимиздаги энг кучли ҳужумчилардан бири “Навбаҳор”да иккинчи даврадан ишлаб келаётганди. У жамоанинг кучли, чўққига чиққан дамларида “Нефтчи” билан бирга бўлган. Айниқса, Равшан Бозоров билан ажойиб жуфтлик ҳосил қилишганди.
Отабек Шомуродов ярим ҳимояда фойдали ҳаракатлари билан ҳурматга сазовор бўлган. Ҳозир унинг жияни Элдор “Бунёдкор” ва миллий терма жамоамизда яхши ўйинлари орқали мухлислар меҳрини қозонмоқда. Саркисян Отабекни терма жамоага ҳам жалб этганди.
Абдусамад Дўрмонов укаси Дўрмон билан биргаликда Фарғонада кўплаб муваффақиятларга эришган. Ҳар иккиси Юрий Вазгеновичнинг меҳрини қозонгани сабабли футболчилик фаолиятини тугатгандан кейин клуб тизимида ишлашга қолишганди. Орада катта Дўрмонов жамоадан кетди, лекин барибир уни ортга қайтаришди. Айни пайтда Абдусамад “Нефтчи” учун меҳнат қилишда давом этмоқда.
Мансур Саидов фаолиятини асосан бир клубда ўтказиб келяпти. Ўз-ўзидан “Нефтчи”да экани тушунарли. Тушунарсиз ҳолат юзага келган пайтда водийнинг бошқа жамоасида ўйнаб турди. Ўша йили у ўзининг ажойиб ўйинлари билан мухлислар эътиборига тушганди. Мавсум кашфиётларидан бири сифатида эътироф этилганди. 23 учрашувда 3 тўп киритган. Улардан бирини “олтин” беллашувда “Дўстлик” дарвозасига урган.
Украиналик ҳимоячи Валентин Поддубний баҳайбат кўриниши билан ҳар қандай рақибни чўчитиб юборишга қодир эди. Ҳаводаги курашларда дарвозабонлардан устун кела оларди. Ўзбекистондаги фаолиятидан ташқари Қозоғистон ва Украина клубларида тўп тепган. “Насаф”да ҳам ишончли ўйинлари билан ёдда қолган.
Шерзод Райимжонов ҳам ҳалигача “Нефтчи”да фаолият юритиб келмоқда. У жамоанинг ташкилий ишларида ва мураббийларга ўз маслаҳатлари билан ёрдам беради. Майдонни яхши кўриши билан кўзга ташланарди. Турган жойининг ўзида тўпни аниқ ошириб, ҳужумни кутилмаганда кескин кўринишга олиб келарди. Шундай типдаги диспетчер футболчилар ҳозир камайиб кетганини тан олишимиз лозим.

Якуб Меметов ва Равшан Маталиев ҳам ҳимоядаги ўйинлари билан ёдда қолишган. Кейинчалик улар Россияга кўчиб кетишгани тўғрисида эшитганмиз. Уларни кўплаб ишқибозлар яхши гаплар билан эслаб туришади.
Қирғизистонлик Илья Коваленко кейинроқ жамоанинг асосий ҳужумчиларидан бирига айланганди. Баъзида у ўта қулай имкониятлардан фойдалана олмасди, бироқ баъзан жуда қийин вазиятлардан дарвозани ишғол этарди. Бўйи баландлиги сабабли кўпроқ ҳаводаги яккакурашларга кўпроқ киришарди. “Нефтчи”дан сўнг “Металлург”да тўп тепди. Кейинги тақдири қандай кечгани ҳақида маълумотга эга бўлмадик.
Темур Кападзе ўша йили ҳужумда ўйнарди. Ўринбосарлар сафида тўпурарлик маҳоратини кўрсатган. 2001 йил олий лигада 8 баҳсда 2 тўп киритган. Ҳар икки голни Фарғонада “Пахтакор”га қарши учрашувда киритгани қизиқ ҳолатлардан биридир. Натижада кейинги мавсумни у Тошкентда бошлаганди. Кападзе футболимиз тарихида энг совриндор ўйинчилардан бирига айланди. У ноябрда яна бир чемпионлигини нишонлаш имкониятига эга.
Александр Писарев чиройли голлар уришда беназир ўйинчилардан бири сифатида таассурот қолдирган. Чалқанча ва акробатик голларни тез-тез уриб турарди. Кейин юртимизда бошқа жамоалар сафида ўйнади. Яқин пайтларда у ҳақида маълумотга эга бўлмадик.
Ҳимоячи Виталий Петров ўша йили “Металлург” таркибида ҳам ўйнаган. Кейинчалик Россияга кўчиб кетгани айтилганди. Аниқ маълумот топа олмадик.
Дарвозабон Владислав Филиппов кўп йиллар Фарғонада ишқибозларнинг меҳрини қозонган футболчилардан бири эди. 1990-йилларда жамоанинг ғалабаларига катта ҳисса қўшган. Ўша йили 5 ўйинда 3 гол ўтказган. Фаолиятини тугатгандан сўнг Россияда қолгани тўғрисида гаплар бор.
Антон Назариков айни пайтда Россия қуйи лигаси иштирокчиларидан бири Медвежьи Озёра шаҳрининг “Медведи” клубида бош мураббий бўлиб ишлаётганини билдик. 2001 йил у 3 учрашувда майдонга туширилганди.
Мақсуд Тоиров кейинроқ асосий ўйинчилардан бирига айланди. Чап қанотда ишончли ҳаракатлари билан олқишларга сазовор бўлган.

“НЕФТЧИ”-2001
Футболчи
Туғ.сана
Ўйин
Гол
Абдумажид Тоиров
05.08.1974
33
4
Акмал Холматов
04.04.1976
33
7
Умид Исоқов
22.12.1978
32
28
Станислав Кудряшов
20.08.1975
32
-
Сергей Ни
03.08.1975
32
15
Владимир Радкевич
31.03.1976
32
5
Анвар Бердиев
11.05.1978
31
14
Георгий Забиров
01.06.1974
31
-24
Рустам Дўрмонов
28.01.1969
26
7
Отабек Шомуродов
21.07.1974
26
-
Абдусамад Дўрмонов
15.11.1965
23
-
Мансур Саидов
01.11.1983
23
3
Валентин Поддубний
05.07.1974
22
1
Шерзод Райимжонов
28.04.1979
19
1
Якуб Меметов
09.07.1975
16
-
Равшан Маталиев
05.03.1978
12
-
Илья Коваленко
17.04.1980
9
1
Темур Кападзе
05.09.1981
8
2
Александр Писарев
21.07.1973
8
3
Виталий Петров
01.04.1974
6
-
Владислав Филиппов
22.05.1971
5
-3
Антон Назариков
02.07.1980
3
-
Мақсуд Тоиров
13.01.1978
2
-

2001 йилги мавсумда турнир жадвали якунда қуйидагича кўриниш олган:
1.
“Нефтчи”
34
27
3
4
93-27
84
2.
“Пахтакор”
34
23
3
8
72-32
72
3.
“Насаф”
34
22
5
7
80-45
71
4.
“Навбаҳор”
34
20
1
13
79-52
61
5.
“Академия”
34
16
11
7
72-45
59
6.
“Қизилқум”
34
16
5
13
48-35
53
7.
“Андижон”
34
15
3
16
64-58
48
8.
“Бухоро”
34
15
3
16
57-58
48
9.
“Дўстлик”
34
14
5
15
73-60
47
10.
“Сўғдиёна”
34
14
5
15
45-51
47
11.
“Трактор”
34
13
7
14
54-58
46
12.
“Динамо”
34
14
3
17
62-68
45
13.
“Зарафшон”
34
11
7
16
50-59
40
14.
“Металлург”
34
9
12
13
42-60
39
15.
“Сурхон”
34
12
2
20
42-71
38
16.
“Кимёгар”
34
9
7
18
36-60
34
17.
“Турон”
34
8
6
20
36-77
30
18.
“Семурғ”
34
2
4
28
36-125
10
+7   
21 апр 11:44:24
yumurta
PAXTAKOR HALI QAYTADI.
+7   
21 апр 11:27:33
Karimjon
Олға Пахтакор.
+5   
21 апр 11:25:26
Fara TKTI
Paxtakorri Legend tarkibi edi. Hozir o`sha paxtakordan faqat klub stadioni va nomi qolgan. Afsus !!!
+4   
21 апр 11:53:04
Felippe Coutinho
15 yildan keyin, 2032- yilda shunday maqola bo'ladi: Bundan 15 yilcha oldin "XALQ"ning qarg'ishi tekkan Paxtakor xozir qayerda... (P.S Paxtakordi ashaddiy muhlislaridan uzr so'ragan xolda) Aleksandr Lobanov: juda katta qorin tufayli futbol bn xayrlashib, xozir Rassiya ustachilik qilmoqda. Stanislav Andreev: xozir 50 ga yaqinlashganiga qaramay Paxtakor safida maydonga tushmoqda, igos sergey: ..... Nimadir yozginam kemedi. Samvel baba: qilgan maynavozchiliklari tufayli 2017 yil 5 sentabr kuni xalq oldida otuvga hukm qilindi- deb eslasak kerak.
+3   
21 апр 12:17:23
NEFFAR
NEFTCHI QILGAN ISHNI XALI REAL HAM BARSA HAM QILOLMAGAN BUNI SARKISYAN HAM AYTGAN NEFTCHI KETMA-KET 5 MARTA CHEMPION BO`LGAN AGAR BIRINCHI LIGADAN ISTIQLOL NEFTCHINI O`RNIGA CHIQSA STADIONGA HECHKIM KIRMAYDI BIZ ISTIQLOL OLIY LIGAGA CHIQISHINI ISTAMAYMIZ AXIR NEFTCHI O`ZBEKISTON FUTBOLI TARIXIKU
+2   
22 апр 19:11:59
SHOH.MAN_UNITED
Ўшандаям стадион бўш эди..
+2   
22 апр 10:59:56
Sulaymon
Узбек футболи ишкибозлари яхши билишади,терма жамоа 1998 ЖЧ саралашидан муофакиятли утаолмагандан сунг Пахтакор терма жамоа марказига айлатирилга ва кулублардаги иктидорли йош футболчилар Тошкеткентга олиб кетилга Пахтакор шу оркали кучайган.
+2   
22 апр 00:27:48
Dreamer
Afsus!!! 1979 -yilgi Paxtakor emas balki hozirgisi portlab ketganida yaxshiroq bo'larmidi. Yomon niyatdan o'zing asragin OLLOH!!!
+2   
21 апр 19:07:16
blackwolfe
КОЙИЛ,ЗУР АХБОРОТ БУЛИБДИ.ХАКИКАТДАН,УЗБ да ЭНГ ЗУРИ БУ - ПАХТАКОР ВА НЕФТЧИ.МАЙЛИ БАЛКИ ХОЗИР УРНИГА МОС ЭМАСДИР БУ ИККИТА КЛУБ.ЛЕКИН ПАХТАКОР РОСТАН ХАМ 2002 ЙИЛДА ВА 2006 ЙИЛГАЧА ОСИЕДА АРАБЛАРНИ ТИТРАТГАН ЭДИ.УЗБ да ХОЗИРГИ КУЧЛИ КЛУБЛАРГА ФУТБОЛЧИЛАРНИ КУПИ ПАХТАКОР ВА НЕФТЧИДА ТОБЛАНГАН ЙИГИТЛАР АСЛИДА.ЛЕКИН ШУНДОК ШОНЛИ КЛУБЛАРНИ АХВОЛИ РАСВО.2002 ЙИЛГИ ПАХТАКОР ФУТБОЛЧИЛАРИ ЭРТАНГИ УЙИН КИМ БИЛАН БУЛИШИДАН БЕХАБАР БУЛАРДИ ХАТТОКИ УЙИН СХЕМАСИ ХАМ ЮЗАКИ ТУЗИЛАРДИ.ЧУНКИ ТАРКИБ БИР БИРИНИ ЗУР ТУШУНГАН МАЙДОНГА ТУШИБ ГАЛАБА КОЗОНГАН ВАССАЛОМ.КАЙСИ КЛУБ БУЛАДИ ФАРКИ БУЛМАГАН АЛ-АХЛИ ЕКИ АЛ ИТТИХОД ЕКИ НАСАФ ЛОКО ХАММАСИ БИР КАТОРДА ТАСЛИМ КИЛИНГАН.
+2   
21 апр 11:51:37
Nigina
Бугун 18-00да Пахтакор- Локоматив уйини урнига бадий гимнастика куйиб беради Спорт ТВ. Хеч бумаса UZHDда куйиб берса бумайдими
+2   
21 апр 11:43:04
NEFTCHI_FERGANA
2001 yilde Neftchi xaqida yozilar 16 yil avval chimpion bolgan Neftchi qayerda
+1   
25 апр 09:33:01
Саидали Ахтамов
“Paxtakor” – 2002 yil Osiyoning eng yaxshi klubi. Ular hozir qaerda? Savod gullagan!!! Qaerda emas qayerda bo'ladi #uzrusbeklar
championat.asia
< сўнгги янгиликларни кўриш

Энг яхшилар

Олий лига. 25-тур. "Қўқон-1912", "Бунёдкор" ва "Пахтакор" ғалаба қозонди Олий лига. 25-тур. "Қўқон-1912", "Бунёдкор" ва "Пахтакор" ғалаба қозонди
Бугун олий лигада 25-турнинг учта ўйини ўтказилди.   305
Расман: БАА билан ўйинда Рўзиқул Бердиев Ўзбекистон терма жамоаси бош мураббийи бўлади Расман: БАА билан ўйинда Рўзиқул Бердиев Ўзбекистон терма жамоаси бош мураббийи бўлади
Ўзбекистон терма жамоасини БААларидаги ўртоқлик учрашувига Рўзиқул...  136
Олий лига. "Пахтакор" Бухорода ғолиб бўлди Олий лига. "Пахтакор" Бухорода ғолиб бўлди
Олий лиганинг 25-турида "Бухоро" ўз уйида...  141
������.�������

CA ни Facebook да ўқиш
учун "Yoqdi"ни босинг