Павар терма жамоадаги муҳитни бузганми?

Бенжамен Павар 2022 йилги Жаҳон чемпионати пайтида журналистларга жамоа ичидаги хабарларни тарқатиб, Франция терма жамоасидаги муҳитни бузган.

Франция терма жамоасининг бир нечта футболчилари Паварни Дидье Дешамнинг севимли ўйинчиларидан бири деб ҳисоблашади. Бу футболчилар ҳимоячининг ўйин даражаси ва у даъво қилаётган позиция ўртасида катта фарқ бор деб ўйлашади.

Журналист Ромен Молинанинг таъкидлашича, Франция терма жамоаси мураббийлар штаби Паварни танқид қилган, аммо футболчи буни қабул қилмаган ва бунга жавобан ўзини ёмон тутган. Бу терма жамоа мураббийларини ғазаблантирди, чунки улар баъзида Павар ўртача ўйин намойиш этишига қарамай, уни бир неча йил давомида ҳимоя қилиб келган.

Захира ўриндиғида Павар жамоадошлари ҳақида ноўрин фикрларни билдирган. Бу айниқса, финалда яққол намоён бўлди. Франция 2022 йилги Жаҳон чемпионати финалида Аргентина терма жамоасига қарши майдонга тушди. Ўйин давомида Павар ва Дешам ўртасидаги зиддият яна кучайди ва улар суҳбатда бир-бирини қўпол сўзлар билан "сийлаган".

Паварнинг ишга бўлган муносабати Франция терма жамоасининг кийиниш хонасида нохуш муҳит яратди.

Бундан ташқари, терма жамоанинг баъзи футболчилари Павар ечиниш хонасида эшитган гапларини ўзи билан яқин алоқада бўлган таниш журналистларига тарқатаётганига ишонишади.

"Бавария" ҳимоячиси Франция ва Австралия терма жамоалари ўртасидаги ўйинда дастлабки дақиқаларданоқ майдонда ҳаракатланди ва 89 дақиқа ўйнади. У турнирнинг бошқа барча ўйинларини захирада ўтказди ва ҳатто захирадан ҳам майдонга тушмади.