UZ

Сўнгги янгиликлар

23:04Илёс Зейтуллаев: "Бундай ўйинлар кўпроқ дарс беради"  1 22:45Суперлига. ОКМК — “Бунёдкор” 5:1  0 22:19Саудия Арабистонида марказий ўйин: "Ал Аҳли" - "Ал Ҳилол" баҳси асосий таркиблари маълум!  1 22:14"Барселона" ПСЖ билан ўйинни қайси стадионда ўтказиши маълум  1 21:55Элдор Мойлиев: "Барчамизнинг мақсадимиз битта: "Шўртан"ни Суперлигада олиб қолиш"  5 21:35Камолиддин Тожиев: "Шўртан" 10 киши бўлиб ҳимоялангани бизга қийинчилик туғдирди"  15 21:23Сардор Мирзаев 861 кундан кейин катта футболга қайтди  0 20:52Суперлига. "Пахтакор" сўнгги ўриндаги "Шўртан" майдонида очко йўқотди  62 20:28Суперлига. ОКМК ўз майдонида "Бунёдкор"ни янчиб ташлади  9 19:49Арне Слот: "Одамлар Вирц атиги 22 ёшда эканлигини унутиб қўймоқда"  2 19:20Рональд Араухо: "Умид қиламанки, Рэшфорд гол уришда давом этади"  1 18:49Кутганмидингиз? Рэшфорд – ЕЧЛда ҳафта футболчиси!  21 18:34Эктор Купер Месси билан боғлиқ қизиқ воқеани ёдга олди  19 17:53Энтони Гордон: "Ньюкасл" "Барселона"га қарши ўйини билан фахрланиши мумкин"  3 17:19Флик: "Бу икки гол Рэшфордга олдинга қадам ташлашга ёрдам беради"  4

ЎзПФЛ финал ўйинига мезбонлик қилган Бухоро аҳлига миннатдорчилик билдирди Янгиликлар

ЎзПФЛ финал ўйинига мезбонлик қилган Бухоро аҳлига миннатдорчилик билдирди

Шу йилнинг 11 апрель куни Бухоро вилояти ҳокими Ботир Зарипов ҳамда ЎзПФЛ раҳбари Диёр Имомхўжаев учрашиб, Бухоро шаҳри стадиони, у билан боғлиқ масалалар, "Бухоро" футбол клубида юзага келган катта қарздорлик ва бунинг сабаблари, оқибатлари юзасидан суҳбатлашганди.

"Суҳбат давомида Бухоронинг Ўзбекистон Coca Cola Кубоги финал учрашувига мезбонлик қилиши ва унга тайёргарлик масаласида ҳам гап борди. 

Шундан кейин 29 апрель куни 878 кунлик танаффусдан сўнг Бухородаги марказий стадион яна мухлисларни қабул қилди. "UzReport" орқали жонли намойиш қилинган беллашувдан сўнг майдон чимига жамоатчилик томонидан ижобий баҳо берилди. 30 октябрь куни ўтказилган Кубокнинг ҳал қилувчи ўйинида ҳам майдон чими идеал ҳолатда эди.  

11 апрель куни ЎзПФЛ вакиллари Бухоро нефтни қайта ишлаш заводи раҳбари Акбар Фозилов билан ҳам учрашув ўтказганди. Июль ойига қадар "Бухоро" ўша вақтгача маълум бўлган қарзларни ёпишга эришди. Бир нафардан тожикистонлик ва туркманистонлик футболчи, икки нафар тожикистонлик мутахассис, ўнга яқин маҳаллий футболчи билан ҳисоб-китоб қилиниши натижасида ФИФА клубга қўйилган трансфер тақиқини олиб ташлади.

Ўзбекистон Профессионал футбол лигаси октябрь ойи давомида тўлиқ Бухоро шаҳридаги стадионни финал учрашувига тайёрлаш устида ишлади. Жамоалар ва ҳакамлар кийим алмаштириш хоналаридаги шароитлар, техник зоналар, захира ўриндиқлари, реклама шитлари, секторлар кўрсаткичлари, матбуот анжумани зали, табло, медиа трибуна, прожектор яхшиланди. Эндиликда Бухородаги стадион Суперлига учрашувларини қабул қилишга тўла тайёр. 

Катта ҳажмдаги ишни бажариш давомида Бухоро вилояти раҳбарияти яқиндан ёрдам берди. Биз ҳамкорликда Кубок финалини юқори савияда ўтказишга эриша олдик. Бунинг учун Бухоро вилояти ҳокими Ботир Зариповга алоҳида миннатдорчилик билдирамиз. Шунингдек, тиғиз графикка қарамай, биз билан ёнма-ён турган Бухоро шаҳар ҳокими Жамол Носиров, вилоят ҳокими ўринбосари Мирали Ҳамроев, стадион раҳбари Алибек Содиқов хизматларини алоҳида таъкидлаш керак. Бухоро вилоят футбол ассоциацияси вице-президенти Фаррух Ҳамроев ва унинг аҳил жамоаси эса бир ой давомида ЎзПФЛ оиласи сифатида меҳнат қилди.

ЎзПФЛ оиласининг Бухороги сафари кўнгилдагидек якун топганидан жуда мамнунмиз. Бунинг учун аҳил ва бағрикенг ҳар бир бухоролик ватандошимизга раҳмат айтамиз", – дейилади хабарда.

Эслатиб ўтамиз, ҳал қилувчи беллашувда "Насаф" "Навбаҳор"ни ютиб, ОЧЛ йўлланмасиги қўлга киритди.

Рейтинг: +33   

Фикрлар

championat.asia
< сўнгги янгиликларни кўриш
Яндекс.Метрика