Озил "Арсенал"дан 8 млн фунт қабул қилиб олди

"The Athletic" хабарига кўра, клуб унга садоқати учун 8 млн фунт тўлаб берган. Бу унинг 2018 йили тузилган шартномасида кўрсатилганди.

31 ёшли футболчи "Арсенал"да ҳафтасига 350 минг фунт маош олади ва у жамоада энг кўп маош олувчи ҳисобланади.

Ушбу мавсумда Озил АПЛнинг бирорта ўйинида майдонга тушмади ва ундан ташқари, Европа лигаси қайдномасига киритилмади.

Олдинроқ "Арсенал" Озил билан шартномани бекор қилишга тайёрланаётгани борасида маълумотлар тарқаганди.