Ўзбекистон U-19 иккинчи ўйинда Арманистон билан дуранг ўйнади

Арманистон пойтахти Ереван шаҳрида ўқув-машғулот йиғинини ўтказаётган Ўзбекистон U-19 ёшлар терма жамоаси 14 июнь куни Арманистон U-19 ёшлар терма жамоасига қарши иккинчи ўртоқлик учрашувида майдонга тушди. Қизиқарли кечган баҳсда 1:1 ҳисоби қайд этилди. Ўзбекистон ёшлар терма жамоасининг ўйиндаги ягона голига Элдор Шомуродов 53-дақиқада муаллифлик қилди.

Маълумот учун, иккала терма жамоа ўртасидаги илк ўртоқлик ўйини 12 июнь куни ўтказилган ва унда 2:0 ҳисобида Ўзбекистон U-19 ёшлар терма жамоаси ғалаба қозонган эди.

Эслатиб ўтамиз, Ўзбекистон U-19 ёшлар терма жамоаси октябрь ойида Мьянмада ташкил этиладиган ёшлар ўртасидаги Осиё чемпионати баҳсларига тайёргарлик кўрмоқда.

Ўртоқлик учрашуви.
 Ереван. 14 июнь
 Арманистон (U-19) – Ўзбекистон (U-19) - 1:1
 Гол: Элдор Шомуродов (53)