Ўзбекистон U-16 аёллар терма жамоаси Хитой Тайпейни мағлуб этди
09 ноя 2015 15:19
Янгиликлар

Ўзбекистон U-16 аёллар терма жамоаси Хитой Тайпейни мағлуб этди

Хитойда бўлиб ўтаётган 16 ёшгача бўлган қизлар ўртасидаги футбол бўйича Осиё чемпионати гуруҳ босқичининг учинчи тур ўйинлари бўлиб ўтди.

“В” гуруҳидан ўрин олган Ўзбекистон U-16 аёллар терма жамоаси бу турда Хитой Тайпейга қарши майдонга тушиб, йирик — 3:0 ҳисобида ғалаба қозонди.

Голларни Мафутна Панжиева, Махлиё Назарқулова ҳамда Шахноза Қурбоновалар киритишди.

Эслатиб ўтамиз, Баҳром Норсафаров бошчилигидаги жамоа мусобақанинг дастлабки ўйинида Японияга қарши майдонга тушиб, 4:0 ҳисобида мағлуб бўлганди. Ундан кейинги — КХДРга қарши ўйин ҳам ҳудди шундай ҳисобдаги мағлубият билан тугади. Гуруҳ босқичининг сўнгги туридаги ғалабадан кейин Ўзбекистон 3 очко билан ўз гуруҳида 3-ўринни эгаллади ва мусобақадаги иштирокини якунлади.

Япония ҳамда Шимолий Корея терма жамоалари 7тадан очко жамғариб, ярим финалга йўл олди. Ярим финал йўлланмасини “А” гуруҳидан Хитой ҳамда Таиланд терма жамоалари ҳам қўлга киритди.

Ҳавола :

Манба : the-uff.com

Янгиликларни Телеграмда ўқинг!

Рейтинг: +1