Ўзбекистон олимпия терма жамоаси бугун Анталияда сўнгги назорат учрашувини ўтказади
24 янв 2019 13:29
Янгиликлар

Ўзбекистон олимпия терма жамоаси бугун Анталияда сўнгги назорат учрашувини ўтказади

Ўзбекистон олимпия терма жамоаси Туркияда йиғин ўтказаётгани ҳақида аввал хабар бериб ўтгандик. Йиғин доирасида бир қатор назорат учрашувлари ўтказилди.

Жумладан, Озарбайжоннинг "Кешла" (0:0), Румиянинг "Медиаш" (1:3) клублари билан ўйинлар бўлиб ўтди ва бу учрашувларда мураббийлар штаби терма жамоага номзод футболчиларни синовдан ўтказиб олишди.

Бугун Анталиядаги сўнгги назорат учрашуви бўлиб ўтади. Вакилларимиз бугун Қозоғистоннинг "Тараз" клубига қарши майдонга тушишади. Учрашув маҳаллий вақт билан соат 17:00да, Тошкент вақти билан эса 19:00да бошланади.

Эслатиб ўтамиз, кеча Ўзбекистон олимпия терма жамоасини Токио-2020 мусобақасига сербиялик Любинко Друлович тайёрлаши эълон қилинди. Друлович тез орада ўз режасини тақдим қилади ва ана ўша режа асосида Ўзбекистон олимпия терма жамоаси бўлажак мусобақаларга тайёргарлик кўради.

Ҳавола :

Манба : ufa.uz

Янгиликларни Телеграмда ўқинг!

Рейтинг: +7